Page 22 - AAA 17 March 2015

Minister Otmar Oduber Resultadonan positivo di nos
turismo ta refleha cu maneho di Gabinete Mike Eman pa
mehora producto Aruba

Monday, 16 March 2015 16:54

Comparti

Dialuna mainta Minister Otmar Oduber tabatin un conferencia di prensa pa elabora riba diferente tema.
Un di nan ta e resultadonan di turismo pa loke ta februari 2015, pero prome cu esey el pidi comunidad di
Aruba pa celebra nos Dia Nacional como un dia cu nos ta sinti den nos curazon e anhelo cu tabatin di nos
antepasadonan y mustra e patriotismo y honor na nos himno y bandera cu ta e simbolonan cu mester uni
nos pueblo.
Bayendo riba e tema di turismo, e mandatario a indica cu e ta sumamente contento y orguyoso di e
cifranan. Den e prome dos lunanan di 2015 a conoce un crecemento di 17.9% y februari su so a mira un
crecemento di 13.9%.
Pa loke ta turismo crucero, Minister Oduber a bisa cu mescos cu aña pasa a inicia y a bisa cu ta calcula cu
lo purba mantene e record di 2013 di riba 100 mil turista den un aña yegando casi 660 mil pasahero
crucero. Tambe, mescos cu aña pasa e prome lunanan a cuminsa poco poco y por mira un caida di 12.1%
den cantidad di barco y di 13.6% den e cantidad di turista crucero.
Si recorda e discusionnan politico aña pasa, por a mira cu e cifranan tabata rond di e mesun 13% y na
caminda esaki a bin ta cera.
Minister di Turismo a bisa cu si mira e caida di 12.1% cu tin awe pa loke ta e cantidad di barconan cu ta
bishita nos isla, por mira for di e cifranan oficial di APA cu ta premira cu lo cera aña cu 328 barco cu ta
confirma y ta encera un aumento di 1.5% compara cu e cantidad di barconan aña pasa.
Banda di esaki Minister Otmar Oduber a comunica cu na e momentonan aki tin negociacionnan andando
na Miami durante e evento di Seatrade y e ta spera cu na final di e conferencia aki e lo por haya
confirmacion riba e bishitanan haci anteriormente pa loke ta turismo crucero pa aña 2016 y e ta spera cu
lo por premira un aña sumamente positivo.
Bolbiendo riba turism stayover, Minister Oduber a mustra cu por mira den e prome dos lunanan di 2015
un crecemento significativo for di nos mercado prinicipal cu ta Norte America (8.3%), Latino America
tambe a mustra un crecemento sumamente grandi (62.2%), mientra cu Hulanda ta keda un reto hopi
grandi. Politica y economicamente tin un instabilidad grandi, hendenan no sa kico ta bay sosode, e siman
aki tin eleccion y tur esaki ta afecta e cifranan di bishitantenan for di Europa. A pesar di esaki, nos
resultado pa loke ta turismo ta keda sumamente positivo danki na Norte y Sur America.
Mirando e cifranan di AHATA pa loke ta februari 2015, por mira cu e grado di ocupacion di hotelnan a