Page 24 - AAA 17 March 2015
P. 24
For di awe padilanti, tur pasahero biahando cu InselAir for di Aruba of via di Aruba pa Miami tin servicio
di pre-clearance na Aruba
y asina no mester pasa via di Inmigracion y Aduana na nan yegada na Miami International Aiport
(MIA). Pasaheronan simplemente ta pasa, busca nan maleta – si nan tin, y ta sigui nan caminda, mescos
cu ta e caso cu cualkier vuelo domestico Mericano. InselAir ta e aerolinea mas grandi pa cu servicio na
aeropuerto di Aruba, transportando e cantidad mas grandi di pasahero pa, for di y via di Aruba, sigui pa
American Airlines y JetBlue. InselAir tin vuelo diario non-stop di Aruba pa Miami y ta transporta miles
di pasahero for di 21 destinacion, incluyendo Aruba, via Aruba pa Miami.
Comfortabilidad
Estadonan Uni di Merca tin facilidadnan di pre-clearance na varios aeropuerto na paisnan pafo di Merca.
E personal y operacion ta den man di personal di U.S. Customs and Border Protection. Na Aruba,
pasaheronan por haci uzo facilmente di e kiosconan pa “Automated Passport Control and Global Entry”
prome cu nan aborda nan avion. “E servicio aki no solamente ta mehora e comfortabilidad di biahe pa
nos pasaheronan,” segun Frederick Nuboer, CEO di InselAir Aruba, “pero lo tin un impacto positivo riba
e experiencia na aeropuerto pa e miles di pasaheronan cu InselAir ta transporta tur luna pa medio di su
hub na Aruba.” InselAir tabata provee e servicio aki caba cuater biaha pa siman, pero ayera InselAir a
ricibi aprobacion pa ofrece e servicio aki tur dia, efectivo inmediatamente. Den transcurso di añanan, e
demanda pa e servicio aki a aumenta significantemente for di hopi di e mercadonan di InselAir, manera
Georgetown y Paramaribo, consecuentemente InselAir lo cuminsa promove e servicio nobo aki den su
mercadonan relevante.
Comentarionan (1)
Mustra/Kita comentarionan
mester
March 16, 2015
2 0 1 .2 2 9 .1 8 .1 6 6
Votes: +0
...
Dios proteha e Aerolinia aki pa e no wordo usa pa transporta droga pa merca,pasobra no lubida pasahero nan cu ta
bin di Cursow i Bonaire ta bai probecha di esaki sin menciona pais nan latino i tambe di e dealer nan mes cu tin na
nos Aeropuerto,pasobra mino sa ki dia investigacion lo cuminsa riba e banco nan cu tin,di unda e plaga ey ta bin.
http://www.24ora.com/local-mainmenu-5/93013-pre-clearance-ta-disponibel-awo-pa-tur-vuelo-di-
inselair-aruba-miami
