Page 6 - MIN ON

Telecomunicacion y Economia a confirma esaki pa NoticiaCla. Ora cu a puntre si ta
berdad cu el a dicidi pa subi lista, su contesta tabata ‘si’. Den pasado recien el a
confirma caba na e portal aki cu e tabata interesa pa sigui como minister den un
eventual proximo gabinete Eman. Algo cu lider di e partido y actual prome minister
Mike Eman tambe a confirma pa e portal aki. E lista berde ta wordo entrega
diabierna 4 di augustus 2017 pa 10:30am.

FUTURO POLITICO

Tabata comienzo di luna pasa ainda cu e portal aki a confirma cu Arends ta dispuesto pa
keda minister pa e proximo gabinete tambe. E momento ey Arends mes no a dicidi ainda,
y a bisa di ta tene su opcionnan habri. “Na su debido tempo mi lo considera” Arends a
sigura e portal aki e tempo ey. Mes momento el a desmenti un rumor tambe cu tabata
circula, esta cu e tin un trabou sigura na Refineria di Aruba y/of Citgo. E informacion
tabata cu e lo a keda minister solamente te september, pa despues e asumi un funcion cu e
refineria/upgrader. “No ta berdad!” Arends a continua. E ta confirma cu e ta un miembro
di partido y un vakminister (pa awor).

FUTURO DI POLITICO DI ARENDS

Pa loke ta e lider di partido y actual prome minister Eman el a bisa e portal aki cu e no tin
pensa di laga Arends bay. “Richard lo keda un figura publico pa basta aña mas, aportando
na pais Aruba. Y lo mi desea pa mir'e como minister den e siguiente gabinete” Eman a
bisa algun tempo atras. Arends e tempo ey no a pensa asina leu ainda. “Aworaki mi ta
gefocused pa cumpli cu mi tareanan di minister debidamente” el a sigui bisa. Despues e
lo a considera esaki na su debido tempo. Eman sinembargo tabata pensa caba cu Arends
lo keda. “E ta keda. E ta keda siguramente cu si” Eman a sigura bisando.

PROBLEMA CU FAMIA?

Un di e motibonan pa atende cu e asunto aki, tabata e hecho cu tin informacion cu ta
mustra cu e asunto ta poco mas complica cu esey. Su tata ta consehero principal di e
(awor) opositor politico Otmar Oduber, esta Simon Arends. Y e informacion ta cu famia
a bay di acuerdo pa (Richard) Arends bira vakminister, y keda solamente te september pa
despues e asumi su trabou na Citgo. Cualkier otro envolvimento mas solido cu e partido
berde, por a crea un problema den famia. Arends (Richard) sinembargo ta desmenti e
informacion ey categorico. “Not at all”, tabata su reaccion riba e asunto ey. “Semper mi a
evalua tur yamado cu partido a haci riba mi: na 2007 pa ta presidente di FESCA, pa ta
consehero y hefe di gabinete den ambos gobernacion, na 2013 pa bira minister
plenipotenciario na Den Haag y awor ultimamente pa asumi e cargo di minister di
asuntonan economico na 2016. So, in due time I will consider”, Arends a finaliza
bisando.