Page 8 - MIN ON

E homber ta deteni: Parlamentario Xiomara Ruiz Maduro
agredi basta pisa pa su casa

Monday, 24 July 2017 11:12
1

Comparti

Den fin di siman un maltrato serio a termina tambe den detencion di un homber. E homber aki ta Herve
Ruiz cu ta casa di e Parlamentario di MEP Xiomara Ruiz Maduro. Mas cu un biaha a tende di cierto
cosnan cu a pasa unda hasta den parlamento ta tende expresion cu e Parlamentario a bay atende cu su
casa den Bar chines.

Nunca a tende cu cos lo yega den un extremo asina unda awor a tuma lugar un maltrato serio te cu
detencion mester a cay. E Parlamentario a yama Polis mirando cu e casa a maltrate. Polis a atende e caso
y na mes momento a bay over na detencion. A detene na cas segun informacion cu cu dogcatcher el a
wordo hiba warda. Un situacion fastioso den pleno campaña pasobra ya caba e candidato nobo perde su
tata algun siman pasa y awor a haye cu un situacion di violencia domestico basta serio. E cos aki parce no
a pasa na cas. Pero e Parlamentario a entrega un keho oficial tecu despues polis a yega na detene e casa
Herve Ruiz. A yama lider di MEP y el a confirma cu berdad su colega a haya su mes den e problema. E
lider di MEP a puntra unda a haya e informacion pero esaki sigur ta fuentenan cu nos no por divulga.
Esey lider di MEP a respeta tambe. Asina mes algo asina ta di condena y ta spera cu pronto Xiomara Ruiz
Maduro di MEP recupera di e golpinan cu el a haya y sigui cu su campaña. E ta un candidato crucial di
MEP. Herve Ruiz ta forma parti di clubnan social den comunidad y un empleado publico cu mester ta un
ehempel. Cu un maltrato serio asina sigur e por kibra sigur e bon imagen cu e lo tabata tin.