Page 6 - MIN JUS 9 MAART 2016

Minister Arthur Dowers ta pidi recomendacionnan pa atende
pa personanan cu por ta un peliger of risico pa comunidad of
pa nan mes

Tuesday, 08 March 2016 18:39
Tweet

Comparti

Minister di Husticia mr drs Arthur Dowers a anuncia den un conferencia di prensa dialuna mainta cu el a
instala un comision cu mester presenta den un maximo di tres siman recomendacionnan pa crea
instrumentona pa atende cu personanan cu por ta un risico of peliger pa comunidad y/of pa nan mes.
El a bisa cu ta referi aki na personan cu tin un problema specifico mental of medico, incluyendo adiccion,
y ta causa problema continuamente.
E mandatario a bisa cu loke a pasa dialuna madruga ta un caso lamentabel, unda cu un of mas persona a
kita bida di un hoben cu tabata causando problema. Ta di lamenta tambe cu pa e hoben e yudansa no a
bin bastante lihe, of kisas e yudansa no tabata suficiente, of no tabata suficientemente eficiente. Tur esaki
mester sali den e investigacion cu ta andando actualmente.
Minister Arthur Dowers a manda su sentido pesame pa e famia di e hoben Dyron Franken y a splica cu el
a tende na momento cu e crimen a pasa cu e hoben tabata sufri di malesa di aciccion, pero tabatin tambe
mas problema, y tabata causando hopi problema den comunidad. Ni cuanto problema e por a causa, e no
ta hustifica bao di ningun condicion pa el a bira victima di un crimen, e minister a bisa enfaticamente.
Si un persona ta sinti su mes den peliger e por defende su mes, pero den e caso di Franken tin indicacion
cu no ta trata di un persona cu a bay defende su mes, pero a wordo uza violencia y instrumentonan
prohibi pa nos leynan contra Franken, cu tabatin consecunencia fatal.
A pidi e mutaties (kehonan) cu tin contra Franken ultimo tempo pa repasa kico tabata pasando
exactamente.
Tin buraco den ley of e leynan no ta wordo uza adecuadamente of optimalmente pa busca yudansa,
Minister Dowers a bisa. El a agrega cu mester tin guia, facilidad unda cu e persona por wordo interna pa
e no forma risico pa comunidad, y pa e no bira un victima di crimen.
Minister Dowers a splica cu na 2015 a adapta un ley cu ta regarda con ta atende cu personanan cu
problemanan mental, y ministerio di husticia tin instrumentonan adicional pa atende cu personnan cu
problema mental, y tin instrumentonan cu ta dunando resultado. Sinembargo, den e caso specifico di
Franken ningun di e instrumentonan cu tin a wordo uza suficientemente.
Den e comision tambe lo mester participa adicional di Ministerio Publico, Polis y instancianan encarga
cu adiccion, representantenan di Salubridad Publico. Asina ta garantisa cu e conseho ta inclui e punto di
bista y sugerencianan di expertonan den e ramonan concerni y e conseho ta e miho posibel.
Minister Dowers a splica cu ora a presenta cierto instrumentonan adicional no tur hende tabata di
acuerdo pasobra tabata concerni tratamento obligatorio of interno. Esunnan cu a opone e
instrumentonan aki a bisa cu ta atacha derechonan humano, pero hustamente nan tabata pa proteha e
persona cu mester ricibi e tratamento, y pues no tur critica tabata funda, el a agrega.
E minister a bisa cu sinembargo mester di un evaluacion y algun di e instrumentonan di e forma cu nan