Page 2 - bon-dia-aruba-20201203

A2 LOCAL
Diahuebs 3 December 2020
Segun ex-referee internacional, Sr. Hilario Orman

FIFA no ta acepta pa bay hunga wega di corupcion cu nan

Den pasado Sr. Orman a biaha hopi, caminda el a conoce hopi di experiencia
di deporte. P'esey e ta lamenta cu Fundacion Lotto pa Deporte a wordo kibra
casi bancarota pa e mesun persona cu awor tur ora ta bin cu acusacion contra
e fundacion aki.
El a trece dilanti cu dia 18 di september 2009, Canadian Bank Note Company
a firma un convenio cu Lotto pa Deporte dunando 1.2 miyon florin pa inverti
den parke di baseball na Pos Chiquito. Nan unico condicion tabata pa e facili-
dad deportivo aki lo por haya e nomber di Canadian Bank Note Field. Ya caba
a pasa 11 aña, pero niun hende sa con a para cu e fondo aki.

"Ami tin tur e documentonan di eseynan. Pero kico ta pasa, politiconan nan
wega ta hopi biaha cu nan no ta wordo persigui. Pero si ta ami of otro persona,
nan ta persigui nos di biaha," el a bisa.

E no kier bay den e parti politico, pero e ta lamenta cu esunnan cu awor ta bin
cu critica riba funcionamento di Lotto pa Deporte tabata envolvi den casonan
cu a yega corte relaciona cu mal maneho financiero di e fundacion aki.

Te hasta nan ta purba di kita e afiliacion di Canadian Bank for di Lotto pa De-
porte. El a menciona cu un persona cu e ta bay riba dje ta Sr. Endy Croes, awe
parlamentario, kende tabata presidente y despues director di Fundacion Lotto
pa Deporte den 2009, kende a haya su mes den hopi problema den investiga-
cion di su maneho pa cu e fondonan.

Te hasta – segun Sr. Orman – el a bay cera pa un par di dia, pero awor e ta mira
cu Sr. Croes kier manda cera tur hende y mustra su mes manera e no a haci
nada. "El a sali liber, pero e tin sentencia riba su cabes," el a bisa.

E ta lamenta cu cos asina por a sosode. E tin documento den su poder caminda
seis di nan a firma. El a menciona Ramon Lee, Dochi Lee, Rufo Kelly, Endy
Croes, entre otronan. Sr. Orman a laga sa cu esaki ta un hecho cu e convenio
a wordo firma y cu nan a haya e placa cu Canadian Bank Note Company a
E referee internacional di futbol, Sr. Hilario Orman ta lamenta loke ta paga na nan, y awor nan ta sconde. El a cualifica nan como un grupo 'hacido
bin tumando luga den sector di deporte. Mas tanto riba mal estado di di malo.'
infrastructura y facilidad deportivo na Aruba.

Infrastructura deportivo

Como un referee di hopi experiencia cu a ricibi varios reconocimento te hasta
di FIFA, e ta lamenta e noticia cu tin dos stadion cu a wordo afgekeurd pa FIFA
y CONCACAF cu ta haci cu team di Aruba no por hunga den su propio pais,
sino cu nos team mester bay hunga weganan internacional na Corsou.

Segun Sr. Orman for di basta aña pasa e ta bin denunciando publicamente e
situacion aki. Ta asina cu for di e tempo cu el a stop di traha como referee, Sr.
Orman kier a comparti su experiencia cu el acumula durante 5 aña consecu-
tivo cu el a biaha rond mundo. Tur loke nos ta pasando aden riba mal estado di
nos facilidad deportivo, el a yega di trece dilanti cantidad di biaha den medio-
nan di comunicacion, specialmente via radio emisora. “Ma bisa cu FIFA no ta
acepta ora cu nan ta bay hunga wega di corupcion cu nan.”

E ta haya cu 40 aña pasa, tempo cu nos no tabatin Lotto pa Deporte, Aruba
tabata progresa riba tereno deportivo. Aruba tabatin futbolistanan profesional
cu tabata biaha hopi y cu tabata hunga contra team grandi. Aworaki cu Lotto
pa Deporte tin 34 aña di existencia, pero e ta wak cu bo no ta haya niun wega
di fogueo desde cu e presidente a sinta 11 aña pasa.

Segun Sr. Orman, FIFA tabata manda 250 mil dollar pa e deporte aki, pero
nunca a hinca e placa ey debidamente. FIFA tabata manda placa pa e refereen-
an y teamnan, pero tambe pa drecha stadionnan. El a indica cu Stadion Frans
Figaroa "tempo cu nan a gaña FIFA pa haya yerba artificial," ta otro situacion
cu el a yega di denuncia publicamente na radio. Te hasta nan a bay corte y fi-
nalmente FIFA no a yuda nan cu e yerba artificial.

Nan mester a hinca e placa di Lotto pa Deporte den e stadion menciona y te
ainda nan ta pagando e placa ey. E tabata un suma rond di 750 mil dollar pa
renoba e stadion di Frans Figaroa. El a bisa cu tempo cu FIFA kier a yuda cu
e stadion aki e tabata propiedad di famia. Esaki ta un motibo cu ainda nan por
drecha e stadion aki, ya cu e famia tin e stadion ey. Esaki ta e mesun situacion
di e stadion di San Luis na Savaneta cu ta un propiedad di un famia. Te hasta
e famia doño di stadion aki a nenga di permiti hende den nan propiedad. "E
cos aki mi ta lamenta. Loke ta e parti akinan, si mi a trece nan hopi pa dilanti,"
el a bisa.

Parke di baseball