Page 23 - ATA

di e declaracion di Cuerpo Policial, unda cu ta menciona cu DOW lo a haci cambio riba

e borchinan di trafico cu lo a causa tur e problematica cu a tuma luga.

Croes a trece padilanti como organisacion, ta berdad cu DOW, den e caso aki ta prepara

hopi proyecto y esaki Paardenbaaiplaza, salida di waf y e kiosconan, a sosode bao di

preparacion di e organisacion, unda cu nan ta prepara tur trabao di destaho publico.

Prome cu bay destaho publico, ta prepara un trabao den tur su totalidad. Un di nan a

percura hunto cu Cuerpo Policial, traha un bebordings plan pa e proyecto. E plan aki, ora

e wordo aproba door di Cuerpo Policial, DOW, ta bay destaho publico cun’e, a base di

kico e contratista ta bid riba dje. Y esey a wordo ehecuta.

DOW, riba propio iniciativa, por cambia un borchi, bao di e siguiente condicionnan. Uno

ta cu si e borchi a blikia cu e indicacionnan cu e ta duna, a bay perdi, ta reemplase cu un

borchi di e mesun contenido. Ta trabaonan di mantencion.

E otro ta, cu si un auto a ranca un borchi bash’e abao, ta tarea di DOW pa lanta e borchi,

pone uno nobo na su luga cu e mesun indicacion.

Si ta wak un situacion pafo cu ta causando problema, nan por tuma e iniciativa di acerca

Cuerpo Policial, señalando cierto desaroyo cu no ta faborabel pa e funcionamento, ta
elabora riba dje y tuma un decision, si ta cambia e borchi, si of no.

Den e caso specifico di waf, agente policial Vos, a acerca Jaime Trimon, di DOW, cu e

peticion pa cambia dos borchi, pasobra e ta wak cu e funcionamento no ta bay corecto. A

base di e peticion, door cu tin un bon relacion cu Cuerpo Policial, a haci e trabao ey,
manera tur otro trabao ta sosode. E borchi a wordo cambia y cu ayera, ta sali p’adilanti cu

ta e organisacion a cambia un borchi sin haya autorisacion. Akinan tin un problema di