Page 30 - Min.TTC 6 Feb"15

Dia di Betico a mira basta bandera di diferente color cu a wordo lanta. Dia prome di January e ley a
drenta na vigor pa e color, diseñonan etc di e bandera di Aruba. Despues di discussion di hopi aña a haya
e diccionario original di nos bandera. A incorpora esaki den e ley pa keda haya e color di bandera
original.
E ta pone den e ley con e control y sancion mester tuma lugar ora no cumpli cu esaki. Minister Otmar
Oduber a splica cu e consehonan cu mester wordo duna mester tey. E compania di cultura mester tey pa
haci control riba importacion di bandera. E departamento di cultura mester duna permiso pa manda
busca esaki. E ehemplar mester bin prome cu importa e bandera. Conforme e ley cu mester tin e mester
tuma lugar pasando via douane pa wordo controla. Den tur localidad mester tin bandera cu ta cumpli y
eliminando e bandera cu color incorecto. Mester prohibi e bandera incorecto di drenta. Ora descubri cu
tin bandera contra e ley pa wordo introduci ta actua. Tur negoshi cu ta bende bandera mester ta alerta.
Tin hopi container cu comerciantenan cu ta haci benta di bandera. Riba loke ta bandera y banderin di
auto ta wordo controla conforme e ley. Si haya hende ta bende bandera incorecto of midi incorecto lo
actua. E libertad ta keda na cada importador riba calida di bandera y prijs di e bandera. Tur hende den
negoshi di bende bandera mester tin su permiso. A splica minister cu ta hasta na Spiraal Rotonde no tin
bandera pasobra e banderanan ta kibra cada biaha. Mirando e grandura di e bandera na e spiraal rotonde
a pone cu esaki por haya daño. E di dos cantidad di bandera pa spiraal Rotonde a bin imprimi un banda
so y no por usa esaki. E biento ta traha cu e banderanan aki y kibranan rapido. Ta bandernan no destina
pa e rotonde. Pesey mes e banderanan a usanan pa otro destinacion.

http://www.24ora.com/politica-mainmenu-18/91496-otmar-oduber-tur-localidad-mester-tin-bandera-
corecto-di-aruba-na-benta-sino-tin-sancion

Jennifer Arends Reyes di AVP: Turismo ta bayendo hopi bon
aunke tin desaroyonan cu por mehora

Thursday, 05 February 2015 19:01
Comparti

Jennifer Arends Reyes miembro di parlamento di e fraccion di AVP durante e conferencia a comenta
riba turismo y su importancia pa nos isla. Nan a bai un reunion importante cerca ATA. Minister di
turismo tambe tabata tey. A haya un bista amplio riba e importancia di nos turismo y su nificacion pa
Aruba su GDP.