Page 31 - Min.TTC 6 Feb"15

E comision di turismo di parlamento lo sigui durante aña e desaroyonan di turismo masha di cerca. E
turismo ta bayendo hopi bon aunke tin desaroyonan cu por mehora y cu mester di atencion segun
Jennifer Arends Reyes. Nan lo bishita AHATA tambe pa mira e inversionnan den e sector hotelero.
Jennifer Arends Reyes di AVP a splica cu nan ta lamenta cu opocision no ta presenta e reunionnan
importante riba turismo. PDR a disculpa su mes pero e fraccion di MEP nada. Reunionnan asina mester
yudabo pa contribui na bo conocimento. Turismo lo sigui carga nos economia den 2015. Jennifer Arends
a splica cu e trahadornan di Valero mes a perde trabou y entrada pa e perdida aki mester a wordo carga
di otro banda. Aruba a conoce su un miyon bishitante stay over. Jennifer Arends Reyes a splica tambe cu
den graficonan por mira claramente e liña cu ta bai halto den bishitante y esey ta importante pa nos
isla. Aruba ta enfokando riba e gastonan haci pa cada turista. Den 2014 e placa gasta a subi cu 7%.
Tambe e prijs di camber a subi. E prijs halto ta mantene e destinacion uno di calidad. Aruba tabata na di
9 lugar den loke ta e prijs di cambernan mas halto. E top destinacion Aruba a bai awor na di cinco lugar.
Jennifer Arends Reyes kedando riba e tema di turismo a splica cu mester conduci na otro desaroyonan
relaciona cu plan di maneho riba turismo…Mester mira bon cu tur e cosnan aki ta desaroya. E plan di
trategia ta inplace. Aruba mester keda un destinacion sin igual. Calidad cu servicio cu ta wordo duna cu e
calor Arubiano ta pone cu e turista kier bin bek.

http://www.24ora.com/politica-mainmenu-18/91502-jennifer-arends-reyes-di-avp-turismo-ta-bayendo-
hopi-bon-aunke-tin-desaroyonan-cu-por-mehora-

Parlamentario Mervin Wyatt: Carnaval ta un fiesta cultural
di nos pueblo

Thursday, 05 February 2015 19:41
Comparti

Parlamentario Mervin Wyatt-Ras durante conferencia di prensa di fraccion di AVP diahuebs mainta a
trese padilanti cu Carnaval ta forma parti di nos cultura y cu ningun hende ni organisacion por kibre paso
e ta un fiesta di nos pueblo.
E parlamentario a referi na e diferencia di opinion entre SAC y SMAC y cu e por a skucha ambos punto di
bista den Parlamento. Apesar di esaki ta keda cu nos Carnaval ta un fiesta cultural di nos pueblo cu
ningun hende ni organisacion por kibra.
Wyatt-Ras, den nomber di fraccion a felicita tur prins y pancho, rey(na)di tumba y caiso soca, bandanan,
reinanan, gruponan di Carnaval, districtonan cu ta participa, en especial Noord cu e anja aki ta cumpli su
gran aniversario. Tambe na tur carnavalista, nos cuerpo polcial y tur esnan rond di esaki pa asina zorg cu
Carnaval por sigui tuma lugar. Wyatt-Ras ta haci un apelacion na un y tur pa bai trankilo cu otro, proteha
otro, evita bebemento excesivo y mustra bon comportacion. Especial tambe cuida nos muchanan y nos
hobennan pa un y tur por goza di nos Carnaval.

Comentarionan (1)

Mustra/Kita comentarionan
Provincia of nada
February 05, 2015