Page 12 - bon-dia-aruba-20210601

a12 riba caya
Diamars 1 Juni 2021

Polis a pone partido politico kita tur bandera riba vangrail na Paradera

Diadomingo ultimo den oranan di merdia varios persona a
raporta na polis cu esnan di partido berde AVP su campaña-
dornan a dorna e vangrailsnan na Paradera banda di pacifico
cu bandera. Patruya a presenta y a constata cu di berdad am-
bos banda di vangrail ta na bandera. Di parti DOW no a duna
permiso y nunca a sa di duna permiso na partido politiconan
pega bandera of otro promocion riba propiedad di pueblo.
Asina polis a avisa e partido politico su personalnan pa kita tur
bandera bek.

Problema di famia a termina cu a tira auto intencional riba otro

Diadomingo ultimo den oranan di marduga riba e caminda di Rooi Bosal a surgi un problema
entre famia unda un Yaris a dal basta duro tras di otro cu consecuencia un di e autonan a baha
caminda casi dal den un auto staciona den un cura y bay pega den muraya di un cas. Patruya di
Santa Cruz a acudi di biaha na e sitio pasobra cos a bay for di man entre dama y un cabayero y
menasamento a cay na e sitio. E desordo cu a pasa pafo di e cas a pone cu e habitante a lanta y
topa cu un Yaris pega na muraya di e camber banda panort. Polis a intermedia y tuma tur dato
debi cu tabatin agresividad y menasa a detene un dama, transport a bay cu e persona warda pa
saca mas informacion kico ta pasando.