Page 6 - AWEMAINTA

6 AWEMainta Diamars, 20 Maart 2018

Mester sigui cu e programa “Mi Amigo Didi”

Hopi chauffeur no ta consciente y ta sinta

tras di stuur burachi causando accidente

E celebracion di Dia di Himno y Bandera pa hopi a sigui te den or-

anan laat di anochi y hasta te den oranan di madruga di e siguiente
dia. Hopi di esaki tabata cu consumo di alcohol y cu ta haci cu en re-

alidad e hendenan aki no tabata apto pa sinta tras di stuur. Pero toch

a haci’e. E consecuencia pa algun tabata auto cu a wordo destrui y
Dios gracias el a keda practicamente na daño material so.

Dialuna den oranan di marduga, polis ta bay na e rotonde di Tanki

Leendert pa un accidente cu herido. Na yegada nan ta topa cu e

auto, un Toyota Yaris shinishi para cara pazuid. Na e sitio nan ta bin
compronde cu e chauffeur tabata biniendo di pabou, no a ripara cu

el a yega e rotonde y a dal contra e rotonde, subi esaki pasa over di

dje y a bay para cara pazuid.

E agentenan na e sitio a nota cu e chauffeur probablemente ta bou

influencia, mesora nan a pidi aparato pa supla y asina test e chauf-
feur, y a bin resulta cu el a bebe mas di loke ta permiti y a keda de-

teni, y transporta pa warda di polis, unda e ta wordo wanta te ora cu
su buracheria pasa.

Pero esey no tabata e unico chauffeur cu e problema ey. Tambe di-

aluna den oranan di marduga, polis a haya informacion cu un auto a
bolter den bisindario di Yanana y lo tin persona den e auto, mesora

patruyanan a cuminsa bay e sitio.

Na yegada e agentenan no ta topa cu ningun hende, pero un rato

despues pe chauffeur ta aparece dilanti e Polisnan. El a bisa nan cu el
a dal contra un mata, a perde control y a bolter cu su Nissan Tiida.

E homber tabata bou influencia y a wordo deteni. Takelwagen a wor-

do pidi pa bolter e auto y pone un banda pa no stroba trafico.

E casonan y otronan cu ta sosode casi diariamente ta demostra cu

e programa di “Mi Amigo Didi” di ex Minister Paul Croes ta hopi
necesario pa sigui cu esaki. E ta un forma pa conscientisa chauffeur-

nan, principalmente pa esaki ta un ehempel pa e jongnan, cu si ta
bebe no por stuur auto. Awe e ta daño material, pero mañan e por

costa bida di un hende y pa e chauffeur responsabel ta perde hopi

aña di su bida cera den KIA.
Pesey sea consciente no stuur ora cu ta bebe of busca un “Amigo

Didi”.