Page 11 - AHATA
P. 11
Diamars, 6 Juni 2023 AWEMainta LOCAL 3
Un cargamento di 100 ton di
mercancia a yega for di Venezuela
abata den oranan tempran di mainta cu e prome barconan di fruta di
TVenezuela a yega Aruba despues di mas cu cuatro aña. E dos bar-
conan cu a yega tabata El Maracucho y Gaviota II, cu den pasado ya caba
a yega di bishita Aruba, treciendo mercancia for di pais bisiña aki. Aruba
tabata e ultimo di tres islanan cu a haya fruta y berdura despues di reap-
ertura di frontera maritimo.
Den e biahe aki di casi 8 ora a trece cahanan di mango, banana, melon,
promenton, tomati, awacati, keshi y diferente otro mercancianan seco
manera hariña pan, maizena, chuculati, condimentonan, etc.
E barco ta para den waf di Barcadera unda cu e clientenan por cumpra e
mercancia directamente for di nan, pues na un prijs basta bon compara cu
loke tin awo riba mercado local.
Rangel ta sigui conta cu nan a trece por lo menos 35 ton p’awo, pasobra
nan ta cuminsando y tin mester di tuma contacto mas hende pa nan haci
pedido di cantidad pa trece pa nan. Ta pidi e supermercadonan y e consum-
idornan pa bin pa haya na producto fresco y di bon calidad y bon prijs. E
boto mes por hinca entre 60 pa 70 ton di mercancia. Si tur cos bay bon,
nan por haya hopi mas cliente. Simplemente nan mester mas contacto
p’asina nan por traha cu nan.
Entre e dos barconan aki, cu lo yega Aruba un biaha pa siman, a trece riba
e prome biahe 100 ton di mercancia.
