Page 9 - AM210331

Diaranson, 31 Maart 2021 AWEMainta 9

Bucuti & Tara ta orguyosamente hospeda

expertonan den Energia Berde

Bucuti & Tara Beach Resort t’e orguyoso anfitrion
di e delegacion Aleman di ingeniero, arkitecto y
otro expertonan di solucionnan sostenibel cu a bin
Aruba pa presenta n’e German Green Technology
Conference 2021, Smart Buildings for Sustainable
Caribbean Islands.
Expertonan distingui a reuni dia 24 di maart pa
discuti e posibilidadnan y potencial di reduccion di
energia y e costonan di edificionan sostenibel.

“Nos ta honra cu e grupo prestigioso aki a scoge
nos como hotel. Cada presentador ta representa un
ehempel exitoso ei solucionnan sostenibel cu por
wordo aplica na Aruba of internacionalmente,”
Ewald Biemans, doño/CEO di Bucuti & Tara Beach
Resort, ta splica. “Sostenibilidad no ta un opcion
mas den nos estado actual di calentamento global y
ta sumamente importante pa nos uza tur oportunidad
pa siña con pa protea nos medio ambiente pa futuro
generacion.”

Biemans, kende ta reconoci mundiamente como
un di e pioneronan di sostenibilidad, tabata un
presentador n’e conferencia. El a comparti su
experiencia den haci su hotel e prome, y te ainda
unico, hotel certifica Carbon-Neutral den Caribe.
Como visionario di e hotel mas eco-certifica
di Caribe, Biemans a splica e beneficionan
medioambiental cu ta proporciona tanto na nivel
local como global.
E conferencia a enfoca riba perspectivanan
tecnologico pa hotel, oficina, aeropuerto y
edificionan residencial.
Participantenan por a tende e debatenan di e grupo
di expertonan y tambe nan por a participa den
sesionnan individual cu funcionarionan di Gobierno,
experto y companianan Aleman y Caribense.