Page 14 - ATA

Diamars, 24 April 2018 AWEMainta 47

Internacional

Compania nacional di aviacion di Surnam ta pasando

den turbulencia den nan reoganisacion y modernisacion

Surinaamse Luchtvaart Maatschappij ta pasando
momentonan turbulento pa problema cu ehecucion di su
vuelonan pa y for di Hulanda.
Siman pasa, tres dia tabatin problema cu a pone cu e
avion a sali laat causando hopi disgusto y protesta entre
pasaheronan.
E vuelo cu mester a sali diaranson for di Johan Adolf Pengel
Luchthaven pa Amsterdam, a sali laat y dado momento
emocion a bay asina halto cu agentenan di siguridad mester
a drenta domina e biaheronan.

SLM a splica cu loke a pasa ta ‘force majeur’ y e comunicacion
cu pasaheronan ta mancaron pasobra ora tin retraso, SLM
no tin tur dato di e pasaheronan unda por haci contacto
cun’e.
SLM tin un call center pa yama tur biahero ora tin tardansa
of cancelacion, pero si e numbernan no ta cuadra, no por
culpa e compania.

Compania di charter a bula
Mientras tanto e problema tecnico cu e Airbus 340 ku SLM E trabou a dura mas cu nan a programa y esey a pone cu
ta huur tabata asina tanto cu e compania mester a charter mester a charter un otro avion den pura.
un compania Portugues riba tanto diabierna como diasabra. Despues cu e avion a baha na Paramaribo tabatin otro piesa
E avion tabata na Brussel for di dialuna ultimo pa un control cu mester a cambia pero nan a busca esey di antemano na
tecnico cerca Lufthansa Technik. Miami.

Na Sint Maarten:

Prostituta a fayece di atake di asma despues di un servicio

DIALUNA ta haci ocho dia cu un prostituta a fayece
despues di a sirbi un cliente ora el a haya un atake di asma
cu a termina su bida.

E caso a sosode den ‘El Captain Club’ pero, ta awor numa
polis a raporta e caso.

Periodistanan di The Daily Herald cu a bay tras di e noticia
a compronde cu e muhe tabata uza su remedi regularmente,
y cu prome di a bay un cliente, a mir’e ta uza e remedi.
A transport’e urgentemente pa hospital pero el a fayece
prome cu dokternan por a yud’e.

Segun e vocero policial Ricardo Henson, no tin indicacion
cu ta un acto criminal.

Gerencia di El Captain Club a informa cu e miho e mes a pidi
asistencia pa bay hospital y nan a transport’e urgentemente.
E autopsia cu a sigui a indica cu ta e atake di asma a causa
su morto.
Polis no a duna su identidad.