Page 29 - AWEMAINTA
P. 29
Diahuebs, 23 November 2017 AWEMainta 29
Deporte
EN connection cu Challenge Aruba 2017, un careda di mucha “Splash & Dash” a
wordo organisa recientemente y sosteni dor di Aruba Marriott y The Ritz-Carlton,
Aruba.
Aruba Marriott y The Ritz-Carlton, Aruba tabata honra pa por
promove bienestar saludable y movecion entre muchanan
di 7 y 14 aña, pa medio di sostene e careda di mucha aki.
E evento a tuma lugar un bunita diasabra mainta riba e beach entre e dos
hotelnan. E muchanan a yega sumamemente contento pa por participa na e
careda cual a inclui coremento y landramento. E muchanan a caba e careda cu un
smile grandi, felis y orguyoso di nan mes pa e logro aki.
Tur participante a ricibi un medaya di participacion, como tambe dry-fit shirts y un
cahita di desayuno pa disfruta despues di e evento.
Sosteniendo e careda aki ta alinea cu Marriott International su core value pa sirbi
nos comunidad di cual un enfoque grandi ta riba vitalidad di nos muchanan dentro
di nos comunidad. Aruba Marriott y The Ritz-Carlton, Aruba ta sumamente satisfecho
di a haja e oportunidad pa apoya e evento aki y asina hasi un impacto positivo dentro
comunidad di Aruba.
