Page 22 - awem

22 AWEMainta Diamars, 21 Juli 2015

CELEBRANDO

12 aña na Aruba

Digicel ta soprende dos “Embahador”
cu un regalo fantastico

DIGICEL Aruba a celebra 12 aña di existencia na servicio di

comunidad di Aruba y a invita dos Embahador cu nan ta conta
cune for di nan establecimento na e isla, pa celebra e ocasion
hunto cu empleadonan riba dia 17 di juli ultimo.
E compania di comunicacion mobil ta gosa di un popularidad
grandi na Aruba y den transcurso di añanan nunca a faya di bisa
“masha danki” n’esnan cu a sostene y apoya nan, incluyendo e
gerencia y personal.

Gerencia di Digicel Aruba a dicidi di celebra e aniversario aki na
un forma diferente. Nan a invita tur empleado pa reuni n’e cell
tower mas importante di Digicel, unda cu tambe e compania tin
su facilidadnan for di unda e red di Digicel ta opera.
Tur empleado a ricibi un tour n’e centro pa asina haya un bista di
con e red ta funciona y kico tur e operacion aki ta encera.
Asina empleadonan cu nunca a bishita e centro ainda a haya tur
informacion y por a mira di serca con nan red cu ta brinda miles
di cliente servicio 24/7 ta funciona. Ademas, tur empleado a haya
e oportunidad unico pa drenta den e cell tower.

Ruben Garcia y Oscar Fernandez a ricibi invitacionnan special
pa ta presente tambe y celebra hunto cu Digicel como e dos
“Embahadornan” cu tin 12 aña caba como fiel amigo y considera
como miembronan VIP di e famia Digicel.
Ambos personalidad den media a ricibi un “tour” den e red di
celular y a haya como reto pa subi e “cell site”. Despues a ricibi
como regalo for di Digicel e ultimo modelo di telefon celular
obtenibel riba mercado.

E anochi a culmina cu un celebracion p’e empleadonan, hunto cu
gerencia y e dos Embahadornan. Asina, Digicel Aruba a celebra
un otro aña mas di exito y inovacion riba nos isla.