Page 17 - awem
P. 17
AWEMainta Diamars, 21 Juli 2015 17
Den Weganan Panamericano Toronto 2015
Atleta Monica Pimentel
a cay venci den e prome
rond di competencia di
taekwondo
E COMPETENCIA di taekwondo den Weganan
Panamericano a cuminsa den e Mississaugua Sports
Centre na Toronto, Canada unda nos atletanan Monica
Pimentel y John Jairo Maduro a mira accion.
E prome atleta cu a bringa tabata Monica Pimentel
den e categoria di 49kg, kende mester a enfrenta
e fuerte competidora di Puerto Rico, Victoria
Stambaugh.
Mester bisa cu Monica Pimentel a cuminsa
cauteloso n’e combate, mientras cu e
competidora Stambaugh di Puerto Rico tabata
busca pa gana punto cu algun skop na
cabez.
Dado momento e competidora di
Puerto Rico a logra su meta unda
e ta gana seis punto cu dos skop
na cabes, Monica Pimentel ta
responde bon unda e tambe ta
gana tres punto cu skop na
cabes.
Den e rondnan siguiente
e atleta Portoriqueño
ta avansa den punto
cu un skop na cabes
mas y ta vence
Monica cu e score
final di 13 - 6.
Lamentablemente
e Weganan
Panamericano
tabata di corto
duracion p’e atleta
Monica Pimentel,
ya cu un combate
perdi ya e atleta
ta keda elimina. 
