Page 16 - awem

16 AWEMainta Diamars, 21 Juli 2015
REFLECSHON
MAYORIA parti di Status Aparte
nos politiconan a causa yen di tutu.
Sinembargo, ta parce cu no por atribui e
fayonan den e administrashon financiero
y e amatuerismo den departamento di
gobierno exclusivamente na amateurismo
di gobernante. Mas bien ta parce cu e caos
(financiero y organisatorio) tawata e credo
pa politico y nan famia y amigonan florece
miho.
Ta resulta cu e sistema actual cu ta asigna un rubiano mr. Ryҫond Santos do Nascimento,
grupo di politico pa medio di elecshon, y cu
na nan turno ta determina completamente
autonomo ken lo goberna nos pais, ken lo
haya e tarea di control, ki maneho lo hiba
y cuanto esey lo costa, no ta funcshona
debidamente. No ta nada straño cu e sistema
aki no ta funcshona como debe ser.
En realidad a crea esaki den tur pura y no a
pensa suficiente riba posibel implicashon.
Como cu e implicashonnan aki a perhudica
Aruba pisa den curso di hopi aña, a bira
tempo pa analisa profundamente nos sistema
politico y e relashon cu nos partnernan den
reino.
En cuanto nos sistema politico ta trata
di pregunta manera: kico democracia
realmente kier men y na ki manera nos
ta promove un miho participashon di
ciudadano? E mesun normanan cu ta conta
na pais mas grandi y desaroya ta aplicabel
na Aruba of mester duna un ‘contenido mas
tropical’ na democracia? Den ki grado mester
delinea y limita e poder di gobernante y con
nos ta aumenta influencia di parlamento? Te
ki punto gobernante por neglisha ‘conseho’
di organo oficial sin contra-argumentashon?
E sistema di un solo elecshon ta suficiente of reto importante cu exito.
mester tene dos vuelta di elechson mescos cu
na Merca pa separa e gobernantenan mihor
for di e parlamentarionan? Con por amplia
transparencia y por envolve pueblo mas na
gobernashon pa medio di referendum den
caso di tema importante? Nos leynan ta
suficiente pa duna gobernashon e direcshon
adecua? E sistema di ‘kiesdrempel’ y
‘restzetel’ no ta un obstaculo pa democracia
funcshona bon?
Na mesun manera e relashon cu specialmente
nos partner mas grandi den reino ta merece
un analisis mas profundo: e diferente
interpretashonnan di Statuut pa e partnernan
‘autonomo’ no ta causa mucho conflicto? E
diferente papelnan di rey, gobernador y
prome ministro (hulandes) ta deseabel
ainda bou di e cicumstancianan actual? Kico
en realidad ta nifica ‘gelijkwaardig’ entre
partner cu ta asina ‘ongelijkwaardig’?
Y, locual di ningun forma nos por lubida,
kico nos autonomia realmente ta nifica
den practica? No ta por nada cu e hurista
asistente cientifico di derecho estatal na
Facultad di Derecho di Universidad di
Aruba a haci e pregunta na januari 2013
durante un symposio pa Directie Wetgeving
en Juridische Zaken di Aruba “si Statuut
di berdad ta basa riba desconfiansa en
bes di confiansa, di independencia en bes
di coperashon. Y si Statuut di berdad ta
basa riba desconfiansa, exclusividad y
solamente protecshon di e propio esfera, e
pregunta grandi ta si Statuut, den un mundo
cu ta globalisando mas y mas y na unda
coperashon y no co-existencia ta central,
no mester di un redacshon of un definishon
nobo”.
Aruba a yega den un fase di su existencia
den cual e mes mester defini hopi cla pa
su mes na ki manera e kier duna contenido
na e preguntanan aki y hopi otro mas.
Simpelmente constata cu e democracia
parlamentario actual no ta funcshona
como debe ser no mester considera como
un veredicto fatalistico, sino como un reto
pa busca un contenido nobo y efectivo. No
ta trata di un reto pa politico so, sino pa
henter comunidad cu al fin y al cabo mester
proteha su propio interesnan. Den pasado
comunidad di Aruba a prueba di ta acepta
Tambe tawata trata di asunto compleho
manera introducshon di nos propio moneda,
independisashon for di Antia Hulandes y
e transfaormashon rapido di un industria
petrolero pa uno turistico. Pero tambe
den un pasado mas recien representante
di yen di instancia importante a contribui
na formashon di un vishon (economico y
cultural) nobo pa Aruba.
Awor e mesun esfuerso pa cu e sistema politico
di Aruba y pa cu e relashonnan den reino ta
completamente na su luga. Mientrastanto
Aruba ta dispone di mas experto propio
riba tereno di derecho estatal. Pero pueblo
tambe a pasa den suficiente experencia cu
a demostra e urgencia pa un control rigido
riba e arena politico. Coperashon entre e
diferente gruponan por conduci dentro di
un tempo relativamente corto na solushon
di e problematica politico (y di mes di esun
financiero).
Esaki ta nifica pa tur esnan concerni cu
mester refleha profundamente riba e
situashon politico. Pero...na Aruba tambe
politica tin un conotashon hopi negativo.
Masha tiki hende lo kier ‘mete’. Sinembargo,
politica ta determina un parti importante di
bida di tur ciudadano.
Aceptashon silencioso di parti di ciudadano
di e disparatenan di politico en realidad ta
nifica cu politica (o mas bien: politikeria)
lo sigui manera semper. Pero tambe e
postura di specialmente empleado publico
den posishon mas halto pa continuamente
haci un apelashon riba nan obligashon di
secrecia pero pa nan comodidad ta prefera
di lubida cu nan tin un obligashon tambe pa
raporta practica inaceptabel di gobernante,
ta un motibo importante cu politico por dal
bay sin ningun sancshon.
Ami tambe tin hopi necesidad di un tempo
di reflecshon. Pesey tambe mi ta despedi
di e lectornan di mi columna. Por lo pronto
mi lo enfoca mi mes riba expanshon di e
website www.harmoniaruba.org, cu ta dirigi
su mes specialmente riba descripshon di e
cuadronan pa biba den harmonia, entre otro
den e comunidad di cual nos ta forma parti.