Page 15 - awem

AWEMainta Diamars, 21 Juli 2015 15

Despedida pa DEN HAAG – Na
mentor Rugia
de Jong-Mauricio restaurant The Penthouse
a tuma lugar ayera 21 di juli,
despedida pa studiementor
di Den Haag Rugia de Jong-
Mauricio, cu proximamente
lo regresa Aruba.

Esaki a tuma lugar den
presencia di Minister
Plenipotenciario
Alfonso Boekhoudt,
functionarionan di
Departamento di Enseñansa
di Gabinete di Aruba, collega
studiementornan y Rien de
Jong, esposo di Rugia.

Studiementor Lourdes
Bramble-Tromp a tene un
discurso den nomber di
e otro studiementornan.
Lourdes tabatin hopi
aprecio pa Rugia como
colega studiementor.
Edy Ranada a entrega
den nomber di e
studiementornan un
regalito na Rugia y a
declama un poesia di Ireno
Kock ‘Esey ta mi isla’.

Minister Plenipotenciario
Alfonso Boekhoudt a haci
entrega di un plakkaat na
Rugia. E mandatario a lesa
e inscripcion cu ta bisa:
‘Reconocemento di aprecio
y gratitud di Gabinete di
Minister Plenipotenciario
di Aruba na Sra. Rugia de
Jong-Mauricio pa su añanan
di dedidacion na guia di
studiantenan Arubano na
Hulanda’.
Finalmente sr. Boekhoudt a
gradici Rugia pa e añanan di
trabao como studiementor y
a desea Rugia y esposo Rien
tur clase di exito na Aruba.

Rugia a gradici tur hende
pa e bunita palabranan y e
regalonan. Ela bisa cu tur e
11 añanan cu ela traha pa
Gabinete di Aruba ela haci
esaki cu gran amor.
“Cu semper den mi mente pa
nos hiba Aruba padilanti”,
asina Rugia de Jong-
Mauricio a bisa.