Page 12 - AM240408

12 INTERNACIONAL AWEMainta
Mexico ta corta relacion cu Ecuador
despues di entrada hudicial na Embahada
MEXICO a kibra relacion diplomatico cu Ecuador despues
di un medida sin precedente di polis Ecuatoriano pa haci
un entrada hudicial n’e embahada Mexicano na Quito. E
entrada hudicial tabata tin como meta pa aresta ex-vice-
presidente Ecuatoriano Jorge Glas, kende a pidi asilo den e
instalacionnan di e embahada.
E disputa diplomatico a intensifica despues di e decision di
Mexico pa duna asilo politico na Glas, kende tabata enfrenta
cargonan di corupcion na Ecuador. A pesar di su convic-
cionnan, Glas a alega persecucion politico y a busca refugio
den e embahada Mexicano.
Presidente di Mexico, Andrés Manuel López Obrador, a
condena e entrada hudicial como un violacion di derecho
internacional y a afirma cu polis Ecuatoriano a tuma Glas
forsa for di e embahada. E imagennan di video a mustra
oficialnan arma rond di e compleho diplomatico durante e
operacion.
Ecuador a hustifica e entrada hudicial, citando e riesgo di
Glas pa huy y acusando Mexico di permiti’e evadi e procedi-
mentonan legal. E canciyer di Ecuador, Gabriela Sommerfeld,
a critica e postura di Mexico, enfatisando cu Glas a wordo
condena y tabata suheto na un orden di aresto.
Como respuesta n’e accionnan di Ecuador, Mexico ta planea
pa presenta un keho na Corte Internacional di Husticia.
Dialuna, 8 April 2024
E situacion a empeora ora cu Secretaria di Relacionnan
Exterior di Mexico, Alicia Bárcena, a denuncia atake fisico
contra personal di e embahada Mexicano durante e entrada
hudicial.
Tension entre e dos nacionnan a aumenta ainda mas ora
López Obrador a critica e eleccionnan di Ecuador, loke a
conduci Ecuador pa declara persona non grata n’e emba-
hador di Mexico.
Nacionnan Uni a expresa nan preocupacion pa no cumpli
cu normanan diplomatico, enfatisando e inviolabilidad di e
localnan y personal diplomatico. Lidernan Latinoamericano,
incluyendo presidente Colombiano Gustavo Petro, a condena
e accionnan di Ecuador, calificando e derechonan di asilo di
Glas como viola.
E incidente ta refleha un tendencia mas amplio den Latino
America, unda lidernan ta recori na medidanan no conven-
cional pa combati crimen organisa. Ecuador, un tempo
considera como un bastión di paz, ta enfrentando un escala
di violencia, loke a hiba presidente Daniel Noboa pa declara
un “conflicto interno arma” contra gruponan criminal na
inicio di e aña aki.
E ruptura di e relacionnan diplomatico entre Mexico y
Ecuador ta subraya e fragilidad di relacionnan regional y e
retonan cu crimen transnacional ta pone.