Page 17 - AM240408

Dialuna, 8 April 2024 AWEMainta POLITICA 17

Parlamentario Alvin Molina (MEP):

Mester sigui inverti den diferente aspecto

pa trece movecion bek na San Nicolas

PA trece desaroyo pariba di brug y movecion
di hende ta necesario pa inverti den diferente
aspecto. E proyectonan grandi (macro) manera

un hotel, un industria riba tereno di refineria y
agricultura como un pilar economico nobo lo
genera mas entrada pa caha di pueblo y crea
un “spin off” pa varios negoshi.

E proyectonan meso por ehempel, un cancha
deportivo, embeyecemento, cultura, siguridad
den trafico y mantencion ta haci e infrastruc-

tura mas atractivo y accesibel. Mas miho e
proyectonan macro y meso ta organisa, mas
oportunidad tin pa actividadnan (economico)
micro ta exitoso, entre otro, e negoshinan

chikito y actividadnan social, cultural y
deportivo den bario.

Pa logra un bon balans entre e posibel desar-

oyonan ta necesario pa profesionalnan guia e
proceso basa riba e deseo di pueblo. P’esey na
april 2022, mi a entrega un mocion pa gobi-
erno contrata un “economic developer/city

planner/nation builder/community designer”
pa yuda cu e desaroyo pariba di brug for di
Pos Chiquito te cu Seroe Colorado.

Un bon ehempel di un proyecto cu lo yuda
haci centro di San Nicolas mas atractivo t’e
proyecto di nos Minister di Economia Geoffrey
Wever.

Hunto cu su coleganan e minister lo ehecuta
un plan pa embeyece e area di Arubus na San
Nicolas y crea diferente actividad cu ful famia
por gosa di dje, manera deporte, speeltuin y

“farmers market”. Mi ta spera tambe cu e plan
aki lo yuda p’e exito di Promenade contagia e
parti mas pariba di mainstreet.

Minister Wever a duna oido na mi peticion door
di colabora cu e arkitecto local Raffy Kock cu
ta un “city planner” gradua na Universidad di
Delft. Danki na nos Minister di Economia pa

yuda cu e desaroyo di centro di San Nicolas y
pa duna oido na mi mocion.