Page 1 - AM210113
P. 1
Januari 13, 2021
www.awemainta.com
www.facebook.com/awemainta
noticia@awemainta.com
583-1400
UN OF MAS PERSONA A YEGA
UN CAS Y HERIDA UN DAMA
CU UN OBHETO SKERPI
DIAMARS merdia algo pasa di 3’or, informacion a
drenta di un caso unda cu un persona lo a wordo hinca.
Esaki a sosode net pariba di Warda di Polis na Noord,
cu actualmente Warda di Polis Motorisa.
Mesora Polis a sali p’eynan mes pa bay mira kico a
sosode.
Den prome instante tabata wordo papia cu un persona
lo a yega dicho cas y menasa hende cu un cuchiu.
Pero despues a resulta cu e persona of personanan cu a
presenta n’e cas a herida un persona biba n’e cas. Polis
y Recherchenan a presenta y ta haya un dama hoben,
por a mira cu e ta herida den area di schouder/lomba
parti robes.
Ambulance a wordo pidi y despues di algun minuut a
presenta dos ambulance n’e sitio.
Por a mira e dama e cana subi e ambulance. No ta
mucho cla si trata aki di un corta of hinca.
Esnan cu a comete e acto ya no tabatey mas ora
Polisnan a yega. Si ta bon Recherchenan lo mester a
haya un of mas informacion for di e dama di ken/nan
a presenta na cas y pakico.
