Page 16 - AM210113
P. 16
16 AWEMainta Diaranson, 13 Januari 2021
Polis mester a atende cu turista
hoben bou influencia y agresivo
DIALUNA anochi asistencia di Polis a wordo
pidi na un night club situa den The Village.
Tabata den careda di 8:25 p.m Strand Poli-
tie y un unidad mester a bay atende cu un
turista problematico.
Segun informacion e turista cu lo tabata bou
influencia a cuminsa of a comete destruccion.
Seguridad di e club a saca e turista hoben
pafo.
Polis mesora por a constata cu e turista ho-
ben aki ta bou influencia y casi sigur lo bay
tin problema cu ne.
Momento cu e mester a cuminsa atende cu
Polis eynan tambe el a cuminsa insulta Polis
y bira agresivo loke autoridad no a tolera.
Polisnan n’e sitio a domina e hoben y a pidi
refuerso, mientras e hoben turista tabata pa-
pia un monton di cos straño y menasa e agen-
tenan.
Na yegada di e transportwagen el a wordo
hiba Warda di Polis, unda e lo keda cera te
ora e baha di e haltura causa p’e un of mas
substancia.
Tipo di incidentenan manera esaki sa pasa
hopi biaha den e area aki, unda algun aña
atras un confrontacion entre algun turista y
security di un club a termina fatal, unda un
turista a perde su bida.
