Page 3 - awemainta7nov2015

AWEMainta Diasabra, 07 November 2015 3

Ganadornan di Wiki
Loves Monuments
Aruba 2015 ta conoci

DIA 4 di november a haci entrega di e premionan di

Wiki Loves Monuments Aruba 2015 n’e ganadornan.
Na september Stichting Monumentenfonds Aruba a
organisa e di 3 edicion di Wiki Loves Monuments Aruba
2015 cual t’un competencia di fotografia caminda cu nos
monumentonan t’e protagonista principal.

Entre 1 cu 30 di september participantenan por a upload
nan fotografianan y asina participa.
Na total a ricibi 165 potret di diferente monumentonan.
Locual a resalta e aña aki ta cu e calidad a bira mas halto
y tambe por a mira cu e participantenan a pone mas
atencion na e detayenan di e monumentonan.
Durante aña SMFA a organiza diferente workshops ca-
minda cu participantenan por a siña con pa fotografia
monumentonan den dia y anochi y tambe con pa edit
nan fotografianan.

E ganadornan di Wiki Loves Monuments Aruba 2015 a
keda como lo siguiente:
Na promer lugar: Evert Bongers kende a gana un premio
di mil florin cash.
Na di dos lugar: Natalie Liao Jen a gana un ticket pa
Manaus Cortesia di Insel Air.
Na di tres lugar: Alan Coutinho a gana un ticket pa San
Juan cortesia di Insel Air.
Na di cuater lugar: Brandon Lambertus a gana un Sail &
Snorkeling pa dos persona cortesia di Pelican Adventures.
Na di 5 lugar: Charles Ridderstap a gana un gift certifi-
cate di 150 florin cortesia di De Wit & Van Dorp.

Tambe a saca dos premio pa fotografia original
cual a bay pa Evert Bongers y Charles Ridderstap.

SMFA ta felisita tur e ganadornan y ta gradeci tur cu
a participa y tambe tur e sponsorsnan cu ta Insel Air,
Pelican Adventures, Albo Aruba y De Wit & Van Dorp.