Page 9 - AM210831

Diamars, 31 August 2021 AWEMainta.com 9

Wardacosta lo controla riba lama pa tiramento di pisca Nos hereonan di futbal a yega Aruba, Girls U14 cu

titulo di Campeon y Boys U14 como Sub Campeon

Dialuna mainta den careda di 11’or di mainta, cu un
buelo charter di Sky High DO930, nos muchanan di
selecion hubenil di Aruba (Girls U14 y Boys U14) a

yega Aruba. Ambos selecion a logra pone nomber
di Aruba na un nivel halto durante e weganan di
Caribbean Challenge Series, cu a wordo organiza
pa Caribbean Football Union.

E selecicon di Girls U14 a titula campeon, nan a
desplega un futbol di un bon nivel, ganando 4
wega, y anotando 22 gol, mester bisa tambe niun

gol contra.
Tambe e selecion di Boys U14, a sa di a desplega un
futbol di un bon nivel y nan a logra coy e titulo di
Sub Campeon.

Ayera mainta por a mira Presidente di AVB, sr.
Randolf Lacle, tambe mayornan, famia, amigonan
y mas persona presente na Aeropuerto pa yama nos

hereonan hoben
un bon bini na nos
isla y mustrando
nan cu Aruba ta

aprecianan y ta
hopi contento
cu nan logro.
Pabien!!!

Kortsluiting tabata motibo cu cas a kima parcialmente na Kudawecha

Diadomingo den careda di 6’or y mey di atardi,
habitantenan di un cas, a bati alarma despues cu nan

cas a pega candela.

Na yegada Polis y Brandweer a nota cu huma tabata
saliendo di varios caminda di e cas.

Hopi liher a logra domina e candela y a bin constata
cu un kortsluiting tabata origin di e candela.

E cas a haya hopi daño di huma. Varios unidad di
Polis y dos unidad di Brandweer tabata n’e sitio.

Tambe a pidi pa presencia di Slachtofferhulp mirando

cu e famia a keda tog basta emociona, loke ta di
compronde.
Algun dia pasa un fami
a a perde nan hogar completo den un candela cu a

cuminsa den oranan di madruga na Tamarijn.