Page 11 - AM210831

Diamars, 31 August 2021 AWEMainta.com 11

Chauffeur burachi a dal dos auto riba

caminda di Bushiri pa Pos Abou

Diadomingo anochi den careda di 8:30 Polis a wordo
informa di un accidente frontal panort di Fantastic

Garden. Informacion adicional tabata bisa cu un di e
chauffeurnan envolvi ta bou influencia.
Na yegada di Polis, agentenan mesora a ripara cu e
chauffeur cu a causa e accidente ta burachi.
Mesora nan a pidi’e p’e compaña nan unda e

patrouillewagen tabata staciona y eynan a lage supla,
un practica poco peligroso den nos parece mirando
cu tin un Delta Variant cu ta basta agresivo o sea ta

pega hopi liher.

E chauffeur a supla y no tabata un sorpresa cu e lo
surpasa e limite stipula pa ley. Eynan mes el a wordo
poni den boei wardando transportwagen.

Por a mira cu e Chevrolet Spark maneha p’e chauffeur
bou influencia a dal dos auto.
Prome el a dal un Hyundai Accent color cora y despues

a sigui bay y kita na su man robes bay dal un Mazda
biniendo nort. Danki Dios no tabatin personanan
herida.

Polis di Trafico mester a presenta n’e sitio y despues di

basta investigacion hunto di companianan di seguro,
takelwagen a move tur auto for di caminda.
Den varios otro ocasionnan nos a trece dilanti cu

Aruba tin un indice halto di hende cu ta maneha auto
bou influencia, y no ta mira un reduccion den esaki.