Page 21 - HOH

Calamidad Hospital por afecta gigante

medico AZV

December 12, 2019
0
SHARE

Facebook

Twitter

- Advertisement -

E cara peligroso di seguro medico general obligatorio

*Peso di cuido medico centralisa ta haya expresion

*Gastonan extra mundo medico mester wordo cubri

ORANJESTAD(AAN)–Con desaroyonan den mundo medico lo bay nifica gastonan extra
di tur instancia y persona cu ta duna servicio na clientenan di AZV? Den e situacion cu a
presenta na Hospital, por bay spera cu na tur nivel y ramo di cuido medico lo tin gasto,

cu lo mester wordo cubri.

E desaroyonan no solamente lo tin efecto directo riba tur cu ta participa na e sistema
computerisa. Peligernan pa e problema ripiti den futuro mester bay wordo evita y
sistemanan nobo lo mester wordo introduci.

“Lo bay tin resultado financiero cu lo mester wordo cubri,” informantenan a mustra. Si
Hospital mester bay inverti awor den ekipo nobo, e lo tin gastonan nobo loke lo exigi un

evaluacion den su posicion financiero.

Mescos ta conta pa tur instancia afecta. Resultado ta, cu por dicidi pa aumenta e suma
cu ta cobra pa cada servicio cu ta presta loke lo afecta AZV.