Page 26 - HOH

ORANJESTAD (AAN): Gina Maduro di Sindicato di Hospital (ABV) a laga sa su opinion
relaciona cu e Ley di ‘ARBOWET’.

E ARBOWET ta bezig cune den e Tripartite Dialogo Social. A bisa cu como sindicato ABV

e ta contento pasobra e ley aki ta na bienestar di tur hende.

ARBOWET tin tres pilar. E ta pa dunador di trabao y tambe pa trahador cumpli cune. E
dunador di trabao tin cu zorg pa e salud, seguridad y bienestar di e trahador, a

remarca.

Esey ta pone cu awor cu ARBOWET lo bay bin na vigor, y dunador di trabao tin cu bay
cumpli cune, pero e trahadornan tambe tin nan debernan pa cumpli cune.

Conhuntamente, entre dunador di trabao, trahador y e rol di sindicato ta hopi
importante pasobra mester bay educa su miembronan e responsabilidad di tur loke ta
encera e ARBOWET ariba su mes, Gina Maduro a señala.

Pa Gobierno ta un reto grandi, pasobra Gobierno como e dunador di trabao mas grandi
ta esun cu ta trek e ARBOWET den e tripartite. Nan mes mester duna e mihor ehempel.
Den sector publico compara cu sector priva, e cantidad di meldziek ta hopi halto.

Ta trabao di e dunadornan di trabao, e hefenan di e departamentonan di gobierno, pero
tambe e sindicatonan pa bay sinta hunto cu cada chef van dienst pa bay baha e
‘ziekteverzuim’.

‘Ziekteverzuim’ ta caro y ta costa placa y pa concentra ariba productividad. Den e
compania tin esnan cu ta malo pa motibonan medico, esnan cu ta pompado y cu tin nan
‘boycot’ pa no traha, pero tambe tin esnan cu ta presenta na trabao pero cu no ta

produci.

Con ta bay combati esaki? Bin cu un bon ‘Ziekteverzuim beleid’ conhuntamente cu
sindicato, HR, Manager y hunto cu e trahador traha plan pa baha e porcentahe di

meldziek y hisa e productividad, Maduro a remarca.

Door di e problematica aki, un trahador tin biaha te hasta tin cu haci e trabao di tres
hende. Anto despues, e trahadornan aki tambe ta cay afo ‘burnout’, cansa, overstress.