Page 8 - 11Oct2022
P. 8
PAGINA 8 DIARIO DIAMARS 11 OCTOBER 2022
Den tremendo ambiente Do It
Center a tene su gran apertura
di e Seccion di Pasco 2022
ORANJESTAD (AAN) – Diadomingo 9 di October, Do
It Center a tene su gran apertura di e Seccion di Pasco
2022, pa 3 or di atardi, den presencia di un cantidad
grandi di cliente.
E atardi tabata hopi anima cu Gaita Katatumbo, Dj SKY
cu tabata tey for di mainta, ademas di e opening di Koslov
Dance Academy, y Santa Booth.
Lisanne Coffy, gerente di marketing, tabata hopi
contento di wak hopi hende presente y cu e ambiente
tabata tremendo. Lisanne a expresa cu e temporada di
Pasco ta hopi cortico, y ta aconseha comunidad enjoy
esaki, decora cas pa asina trece un bunita ambiente di
Pasco den famia.
Lisanne a enfatiza cu e temporada aki a bin cu un
variedad grandi di color pa decoracion di cas, hopi
bunita, moderno y elegante. Den e siman aki nan ta
mustra e decoracionnan pa e parti pafo di cas, of otro,
tambe masha bunita y moderno.
Lisanne a informa cu den e tres localidadnan di Do It
Center tin mes productonan di Pasco cu a mustra den e
apertura na Shaba, aunke nan ta presente diferente.
