Page 32 - AM250123

32 CORSOU AWEMainta
Prome Ride for the Roses sin Rosa
DIADOMINGO awo lo tuma luga e di 19 edicion di Ride for
the Roses, marcando un logro como e prome evento sin e
tradicional rosa fisico. Den un esfuerso pa ta mas sostenibel,
e organisacion a introduci token special como alternativa.
Den e añanan anterior, hopi rosa ta caba bandona riba e
parkinglot di e destino final na Mambo Beach Boulevard.
Ademas, su importacion ta implica costo halto y un impacto
ecologico considerabel, Benno van Leeuwen a splica.
Pa ofrece e participantenan un recuerdo tangibel, a crea e
token, un moneda special cu e logotipo di Ride for the Roses.
Similar n’e rosa fisico, e token aki bo por pone riba e graf di
un ser stima cu a fayece pa motibo di cancer.
Cambio di ruta
E ruta di Walk for the Roses a wordo modifica. E partici-
pantenan cu ta baha for di Juliana Brug no lo cana rond di
Waaigat, sino cu lo bira na man drechi, lo pasa dilanti di The
Movies y lo rondona e parkeerplaats De Vijf Zinnen prome
cu sigui pa Scharlooweg. Eynan nan lo pasa dilanti e oficina
principal di Prinses Wilhelminafonds y lo haya un stand di
Diahuebs, 23 Januari 2025
awa patrocina pa Corendon.
Competencia nobo: Run for the Roses
E aña aki tambe ta presenta Run for the Roses, cu distancia
di 5 y 8 kilometer, cu lo cuminsa prome cu e caminata. E
participantenan lo ricibi un number di identificacion y e
careda ta oficialmente registra den e federacion di atletismo
di Corsou. Ta existi e rumor cu e atleta Churandy Martina
lo dal e tiro di inicio y lo participa den un di e distancianan,
aunke Van Leeuwen no a confirma esaki.
Otro evento
E actividadnan tradicional manera Swim for the Roses (fo’i
Zanzibar pa Wet & Wild Beach Club) y e Ride for the Roses
(ciclismo di 40, 60 kilometer y easy ride) lo continua manera
e añanan anterior.
Inscripcion
E participacion ta costa 25 florin pa evento of 35 pa varios.
E inscripcion ta habri na www.ridefortheroses.net of na Orco
Bank di dialuna pa diasabra durante orario specifico.