Page 37 - AM250123

Diahuebs, 23 Januari 2025 AWEMainta 37

Honey Garlic Chicken

E plato aki ta combina tur cos cu ta dushi y salo cu un
toke di garlic, creando un sabor iresistibel. Perfecto pa un

cuminda rapido durante siman of un cena special, Honey
Garlic Chicken por wordo sirbi cu aros, batata machica of
berdura na steam pa un experiencia completo.

Ingrediente:

4 pecho di galiña sin weso y sin cuero
2 cuchara di azeta di oleifi
4 djente di conoflok, corta chikito

⅓ cup di honing
¼ cup di saus di soya abao den sodium
2 cuchara di awa
1 telep di maizena

¼ telep di pepper preto
Simia di sesame (opcional pa decora)
Siboyin fresco corta chikito (opcional, pa decora)

Instruccion
1. Prepara e galiña: Sasona e pechonan di galiña cu pepper
preto. Den un panchi grandi, keinta e azeta di oleifi riba
candela mediano-halto y cushina e pechonan durante 4-5

minuut pa banda, of te ora cu nan ta bruin y cushina comple-
tamente. Pone e galiña un banda.

2. Traha e saus: Den e mesun panchi, agrega e conoflok

corta y ‘sautee’ durante 30 seconde, percurando p’e no
kima. Agrega e honing, e saus di soya y e awa. Mescla bon y
lag’e herbe riba candela lento durante 2-3 minuut.

3. Haci e saud diki: Disolve e maizena den un cuchara di awa
y agreg’e n’e panchi. Cushina pa 1-2 minuut mas, te ora cu
e saus bira tiki diki.

4. Combina: Bolbe pone e galiña den e panchi y cubri cu e
saus. Cushina pa un minuut mas p’e galiña absorbe tur e
sabornan.

5. Sirbi: Pone e pechonan di galiña den un tayo y decora cu
simia di sesame y siboyin, si bo ta desea. Compañ’e cu bo
garnish faborito.

Disfruta di e dushi plato aki cu ta combina simplicidad y un
sabor unico.