Page 16 - AM220204

16|Diaberna, 4 di Februari 2022

Chauffeur di Chevrolet Spark levemente

herida despues di a accidenta na Kas Ariba

Diahuebs mainta algo pasa di 9’or
polis y tambe ambulance a bay pariba
di e bocht na Kas Ariba, unda un auto a
bolter.
Na yegada di polis nan a topa cu un
Chevrolet Spark parcialmente ariba ca-
minda, pero e no tabata gebolter, pero
e chauffeur si tabata herida.
Segun nos por a mira, algun meter mas
pariba e chauffeur pa un of otro motibo
a perde control. Den e maniobra a glas
di e bentana a kibra y esaki a corta e
chauffeur.
Na yegada di ambulance e Paramedico-
nan a atende cu e victima na e sitio mes.
Polis di trafico cu a presenta a tuma dato
di e accidente aki.

Candela di cas na Kudawecha

posiblemente intencional

Diahuebs algo despues di 12’or y
mey di marduga. Un persona lo a cende
un candela den e bijbouw di palo na un
cas tipoco di Aruba.

Esnan na dicho adres a cuminsa comba-
ti e candela cu slang. E persona cu lo a
cende e candela hopi lihe despues a bay
for di e cas, prome cu polis y brandweer
a yega e adres.

Na yegada di brandweer, e bijbouw di
dos cuarto di palo ya no tabata na can-
dela mas, esaki debi e slang di cas a
yuda pa e candela no expande.

Brandweer mester a kibra si un candal
pa asina logra drenta paden y controla
si acaso si ainda por tin candela.

E persona cu probablemente a cende e
candela lo ta biba den e cuarto.

No ta conoci kiko tabata su motibo di a
cende e cuarto na candela.

Locual nos por a mira na e sitio cu e
candela gran parti tabata paden. Nin-
gun persona a resulta herida.
Elmar tambe a wordo pidi na e sitio pa
kita coriente.