Page 19 - AM220204

Diaberna, 4 di Februari 2022|19

Reunion di evaluacion di e desaroyonan

den Aruba Kier Traha

Recientemente Minister Glenbert Croes a reuni cu e
programma manager di Aruba Kier Traha (AKT), Sra. Sabine
de Groot kende na mes momento ta e consehero encarga cu
Enseñansa pa Empleo na Bureau di Minister di Labor.
Pa loke ta Aruba Kier Traha, e di 3 grupo di nos hendenan cu
tabata riba FASE a cuminsa cu e curso di MindSet Reset. “Nos
forma di contribui na e desaroyo personal y profesional di
cada un pa di nos banda yuda sigura un reintegracion exitoso
den nos mercado laboral”, ta Minister su vision riba e curso
aki. Un total di 23 persona ta siguiendo e curso aki na Ense-
ñansa pa Empleo.Durante e reunion Sra. De Groot a informa
Minister di e desaroyonan den EPE, cu mientras tanto a ricibi
mas di 1400 inscripcion pa e diferente cursonan cu e depar-
tamento aki tin pa ofrece.
E curso di Kleinvaarbewijs lo conoce un cambio cu lo wordo
introduci bou auspicio di Directie Scheepvaart pa garantisa cu
e curso ta cumpli cu normanan exigi pa dicho departamen-
to. A informa Minister di e plannan pa expande e cantidad y
diferente cursonan cu Enseñansa pa Empleo ta bay ofrece pa
cumpli cu e demanda cu e mercado laboral ta exigi, como
tambe tocante e maneho y necesidadnan diario pa por pone
EPE completamente riba pia y operacional.
Enseñansa pa Empleo tin tur atencion di e mandatario. Ma-
nera cu ya el a expresa na varios ocasion, “EPE ta di vital
importancia pa por cumpli cu e meta di recapacitacion di nos
hendenan pa por sigura un re-entrada den mercado laboral.”

Dama chauffeur herida despues di a cay

den rooi cu su auto

Diahuebs algo prome cu 8’or di
mainta a sosode un accidente riba e ca-
minda di Modanza, pa ser exacto Roco-
co Plaza bay zuid.

Un Kia Rio color shinishi cu aparente-
mente velocidad un poco halto lo tabata
biniendo di panort, ta dal den banda di
un Toyota Yaris Cora cu tabata biniendo
di trafico contrario.

Debi na e impacto e auto a slip y a cay
di banda den e rooi. E dama chauffeur
di e Kia Rio a haya un kap na su cara.

Na prome instante a pensa cu e dama
den e Kia Rio lo tabata pega den e auto
y pa e motibo aki a pidi pa brandweer,
pero e dama mes a logra sali for di e
auto.

Presencia di polis y ambulance tambe a
wordo pidi na e sitio. E paramediconan
di ambulance a trata e dama herida.