Page 21 - AWEMAINTA

AWEMainta Diahuebs, 13 Juli 2017 21

Dia 2 di juli 2017 ultimo

Concierto Dominical Donny Laclé cu

un variacion unico di musica alegre

DIADOMINGO, dia 2 di juli 2017, Fundacion pa Talento
Musical “Donny Laclé” a presenta un biaha mas su Concierto
Dominical den “Café Musical” di Biblioteca Nacional na Playa.
E concierto a cuminsa cu presentacion di Anuar Muyale. Anuar ta
toca trompet y tuba, pero diadomingo el a toca riba un ocarina.

Un ocarina ta un tipo di fluit, manera un blokfluit. E ocarina den
su forma original ta bay bek siglonan atras, den temporada di e
Incanan na Perú, e Maya y Aztecanan na Mejico.
Nan tabata traha fluit primitivo di klei cu tabatin forma di bestia,
pa yama e animalnan bin come
Awendia e ocarina ta bin mas tanto den 3 forma. Anuar a toca
esun cu nan ta yama sweet potatoe ocarina. E tin un grandura di
entre 10 pa 15 cm y e tin entre 4 pa 12 buraco.
E ta un instrumento pa toca cu dos man, tapando e buraconan
cu e dedenan pa produci e sonido Anuar a presenta melodianan
conoci manera Raindrops keep falling on my head y Never Far
Away, pero tambe di paisnan asiatico.
Despues a sigui Jonathan Ortega. Jonathan, ta un di e studian-
tenan cu a haya un scholarship di Fundacion pa Hoben Talento
Musical. Dia 31 di juli e ta biaha pa Hulanda unda e ta bay sigui
desaroya su talento riba piano na na Fontys Conservatorium.
Nos di Fundacion y nos ta sigur tur esnan cu tur luna a aporta den
e caha di glas ta contento cu e logro aki di Jonathan y ta dese’e
hopi exito na tera friu.

Atelier Figaroa-Flores, un grupo cu a keda forma p’e ocasion aki,
bou guia di Linda Figaroa tabata consisti di 8 studiante di edad
entre 12 y 16 aña, cu a ofrece un variacion di e. o. canticanan di
añanan 40 y 50 cu e muchanan tabata siña na scol, na Hulandes,
pero tambe na Papiamento. Mayoria di esnan presenta conoce e
canticanan aki y a forma e coro.
Pa claususura e programa Los 3 y amigonan, bou guia di Erick
Uchtmann a trece un variedad di musica crioyo y musica folklore
di paisnan bisiña. Manera semper ta nan costumber e grupo aki,
hunto cu e otro musiconan a laga tur hende pasa un dushi mainta.
Fundacion Concierto Dominical Donny Laclé ta anuncia cu fin
di juli no tin concierto.
E siguiente concierto lo tuma luga dia 27 di augustus. Nos ta desea
tur hende un dushi vakantie y te dia 27 di augustus.