Page 24 - AWEMAINTA

24 AWEMainta Diahuebs, 13 Juli 2017

Den un atmosfera di fin di aña

The Ritz-Carlton, Aruba a celebra

nan evento ‘Winter Wonderland’

RECIENTEMENTE, The Ritz-Carlton, Aruba tabatin e placer di ta
e anfrition di nan evento di Christmas in July cu e fabuloso tema di
Winter Wonderland.
Durante di e evento aki, The Ritz-Carlton, Aruba a tuma e oportunidad
pa gradici tur e companianan local cu tabata presente y p’asina nan
por a experiencia y disfruta e diferente opcionnab pa nan celebracion
di fin di aña na The Ritz-Carlton, Aruba.

Pa The Ritz-Carlton, Aruba ta di gran importancia pa por laga nos hen-
denan local experencia e servicio legendario cu solamente Ritz-Carlton
por ofrece y pa companianan local por tin nan den consideracion como
un opcion pa no solamente fin di aña, pero pa eventonan manera re-
unionnan, seminarionan y cualkier otro eventonan social cu e compania
por tin durante aña.

Durante di e presentacion di Catering Sales Manager Gilliany Briesen
Oduber, un atractivo oferta a wordo presenta p’e companianan cu logra
confirma nan celebacion di fin di aña cu The Ritz-Carlton, Aruba prome
cu dia 15 di september; esaki ta inclui diferente incentivo atractivo cu
e compania duna como premio na nan empleaodonan.

Naturalmente tur empleadonan di cada compania ta traha hopi duro
durante aña y sin duda ta e curason di cada compania. Pa The Ritz-
Carlton, Aruba ta di sumo importancia pa por laga nos hendenan local
experencia e servicio legendario cu solamente Ritz-Carlton por ofrece.