Page 9 - UTILITIES

Diamars, 5 Juni 2018 AWEMainta 13

Bureau MFA cu anochi informativo

“Prevencion di Crimen den Bario”

BUREAU MFA conhuntamente cu
Cuerpo Policial Aruba ta invita bo pa
atende un anochi informativo encuanto
“Prevencion di Crimen den Bario”. E
anochi informativo aki lo tuma luga
na tur tres MFA cuminsando e siman
aki dia 6 di juni na MFA Noord, sigi
pa MFA Paradera dia 13 di juni y MFA
Savaneta dia 20 di juni.

Sr. Lito Lacle y Sra. Liliana Rasmijn,
Voceronan di Cuerpo Policial Aruba, lo
tey presente pa elabora ariba e topico
aki, cu ta uno hopi actual. Meta di e
anochi ta pa conscientisa e pueblo
di Aruba y tambe duna tips riba
prevencion y con pa proteha bo cas.
Orario lo ta di 7.00 pm pa 8.00 pm.
Entrada ta completamente gratis. Pa
mas informacion por yama MFA Noord
na 281-0001, MFA Paradera na 281-
0005 of MFA Savaneta na 281-0010.
Mision di Bureau MFA ta pa ofrece
diferente servicio sea publico of priva y interaccion social y cultural di e social/cultural pa tur edad.
mas efectivo y mas serca di cas y tambe ciudadanonan den comunidad sea cu
promove y facilita e participacion actividadnan educativo, recreativo y

Prome Minister Evelyn Wever-Croes

“Habitantenan di Noord por ta tranquil. Gobierno a para

proyecto molina di viento”

Desde Hulanda, Prome Minister Evelyn Wever-Croes a ricibi
e bon nocitica cu Gobierno a dicidi di para e proyecto di
Urirama. Despues di deliberacionnan extenso riba e proyfecto
di Urirama, Gobierno di Aruba a hala aden e hindervergunning
cu a worde duna na Windpark Urirama NV.

Segun e mandatario principal, ta su Partido MEP mes a bin
cu e parke di molina di Vader Piet bou otro liderasgo e tempo
ey. Pero nos no ta di acuerdo cu kier a sacrifica e area bunita
y importante di Urirama pa e meta aki.
“Pues habitantenan di Noord especialmente den e area di
Alto Vista por ta trankil. Lo no bin molina di biento asina
cerca di cas y Alto Vista ta keda un area protehi caminda nos
cada un por bay busca pas”.
Premier Wever-Croes a informa cu mientras tanto expertonan
di nos pais lo sigui busca e mescla ideal di energia pa Aruba cu
ta cumpli cu e vision di nos Gabinete Wever-Croes: Reliable
Affordable & Sustainable. Gabinete Wever Croes ta sigui kere
den energia alternativo. Vision di Gobierno actual di Aruba
ta cu pueblo mester por conta riba awa y coriente sostenible
y duradero. Pueblo mester por pag’e. Esaki ta prioridad di
Gobierno di Aruba.