Page 13 - AM210827

Diabierna, 27 August 2021 AWEMainta.com 13

Leo Club Delta Aruba oficialmente funda y huramenta

Recientemente cu hopi orguyo
Aruba One Happy Island Lions
Club oficialmente a huramenta e 10
miembronan nobo di Delta Aruba Leo

Club y alabez huramenta e Directiva
di e club nobo aki.

Delta Aruba Leo Club a wordo oficialmente funda

dia 24 di juni 2021 pa nos oficina di Lions Club
International.
E club ta consisti di hobennan hopi activo entre 18 y
30 aña. Leo Club ta un programa mundial di Lions

Club International desde 1957 y ta conta cu mas di
130 mil miembro mundialmente den 150 pais.
E programa ta conta cu Leo Club Alpha cu ta hobennan
entre 13 y 18 aña y Leo Club Omega cu ta hobennan

entre 18- 30 aña.

Directiva di Delta Aruba Leo Club ta consisti di e
siguiente miembronan: President Ronan van Putten;

Vice Presidente, Jisela Solognier Monsalvo; Treasurer,
Byanca Alvarado Guarniz; Secretaria; Shamiree
Erasmus; Director PR & Marketing, Jurgen (Nathan)
Tromp; Director Fundraising, Diego Alvarado.

Demas miembronan ta Miriam Feng, Sue -Ann Bareño,
Cherly-Ann Franken, Veronica Santokie.
E hobennan aki lo cay bao guia directo di Leo Advisor

Fl. Lion Carla Martinus kende a wordo apunta pa
Directiva di Aruba One Happy Island Lions Club.
Presente e anochi aki tambe tabata Nathan Croes,
Presidente di Leo Club of Aruba (Alpha Club).