Page 9 - AM210827

Diabierna, 27 August 2021 AWEMainta.com 9

Wardacosta cu patruyanan di control pa controla

mantencion di reglanan di Covid

Wardacosta ta eherciendo patruyanan pa
haci control riba lama. E patruyanan aki
ta pa entre otro mantene ordo publico y
controla riba e medidanan di Covid-19.

Ultimo dianan Wardacosta a tene varios
control riba lama relaciona cu e ultimo
Decreto Ministerial cu a sali encuanto
Covid-19.

Wardacosta kier enfatisa cu e reglanan
implementa pa Gobierno di Aruba ta
na vigor riba lama tambe. P’e motibo

aki control lo wordo haci riba lama y rif
encuanto entre otro aglomeracion.

Wardacosta ta recorda usuarionan di boto

di placer y boto di piscado cu riba un boto
por tin un maximo di 4 persona. Pa botonan
comercial ta conta e regla di maximo 50%
di e capacidad total.

E ley seco di alcohol ta valido riba tur boto
y rif y Wardacosta lo controla debidamente
riba consumo di alcohol.

Por ultimo e medida di Toque de Queda
entre 10 or di anochi pa 5 or di mainta ta
conta pa usuarionan di rif y lama tambe.

Solamente botonan di piscado cu tin permit
pa pisca conforme nan ‘vergunning’ por ta
riba lama den Toque de Queda. Pues entre

e orario di Toque de Queda no ta permiti
ningun otro boto riba lama.

Wardacosta ta pidi tur persona pa mantene

nan mes na regla y zorg pabo tin bo
documentonan di nabegacion hunto cu bo
na bordo, tene cuenta cu e medidanan di
Covid-19 pa proteha nos

mes y otronan.