Page 68 - MIN VOS SEPT 18, 2015

Insulina ta e yabi pa habri e lock y laga e sucu den sanger
bay den celnan pa produci energia!

Publication: Friday, 18 September 2015. Categoria: General
Dr. Maritza Ordoñez ta splica:

ORANJESTAD (AAN) – Dr. Maritza Ordoñez, di DESPA, durante su charla den Centro di
Bario Playa Pabao, organiza pa Artsenassistent Aruba, a elabora un tiki mas amplio, tocante kico
ta insulina.
El a indica cu Insulina ta un hormona produci pa e celnan beta di e pancreas, cual funcion ta e
cantidad di glucose den sanger.
E dama a splica cu insulina e yabi cu ta habri e lock pa permiti e sucu, cu ta den sanger, pasa
dentro di e celnan di nos curpa, pa produci energia.
Nos mester di energia pa por cumpli cu nos tareanan diario: baña, cushina, haci nos
necesidadnan biologico, cana, come, etc.
Un bez cu un persona come y e alimento ta trece sucu dentro di su curpa. Si e glucosa no por
drenta den e celnan e ta acumula den e sanger y diabetes ta consecuencia di esaki.
E pancreas ta un tiki scondi. E ta ubica entre e tripa y stoma. Pues, no ta algo cu nos por fula wak
kico ta pasando.
Nos tur, diabetico vooral pero tambe esnan cu no tin, mester eherce hopi control riba locual nos
ta come. Si no pone un tiki di nos parti y laga sucu bay halto, por confronta cu complicacionnan
cu ta afecta nos wowo, cerebro, diente, curazon, nier, pia, ader, etc.
Un persona of baby cu tin diabetes tipo 1 mester biba cu insulina pa henter bida. Na mundo, sin
kita Aruba afo, diariamente por mira muchanan chikito usando insulina. Diabetes
definitivamente no tin cura pe, pero por tine bao control hopi estricto, kiermen e ta un malesa
completamente cronico.