Page 16 - DIARIO 22AUG,2015

PAGINA 16 DIARIO DIASABRA 22 AUGUSTUS 2015

Na Unoca

Exposicion KimaTerra ta habri pa
publico te cu fin di otro siman

ORANJESTAD (AAN): Diabierna ultimo un grupo grandi di
aficionado cultural a join Trudy Lampe, un artista ceramico,
pa e lansamento di su exposicion KimaTerra.

E exposicion ta worde presenta den colaboracion cu UNO-
CA y ta e clausura di un proyecto cu a inclui un seminario di
ceramica cu Trudy a atende na Hulanda.
E anochi di e lansamento tabata uno yena cu emocion na unda
Trudy, cu tin mas di 35 aña di experiencia a comparti cu pub-
lico su pasion, arte y tecnica pa crea artefacto unico di cer-
emica.

E exposicion aki ta mustra e trabao cu ta tuma lugar y e
dedicacion cu e tin pa crea su arte. Desde busca klei den parti
remoto di nos isla, sefta, prosesa y kima esaki pa presenta un
producto final unico. Setnan di thee, pochi y artefacto pa uso
diario of decorativo, Trudy ta crea beyesa cu su man, klei y
imaginacion. Pa por comparti e proceso aki, videografo Ken
Wolff a produci un documentario di 17 minuut cu ta parti di
e exposicion y den cual por mira palpablemente e pasion di
Trudy pa su arte.

Publico ta keda invita pa mira y experiencia e exposicion y
documentario aki te cu Aug 28, 2015 na galeria di UNOCA
situa na stadionweg 21, Oranjestad di 9 am pa 12 pm y 1:30
pm pa 5 pm.