Page 6 - Djamars 3 aprel 2018.pdf

6 Djamars 3 Aprel 2018
Hòmber ku ta entregá
merkansia a keda
atraká i maltratá

WILLEMSTAD.-
Un hòmber ku ta
entregá merkansia na
establesimentu a keda
atraká i maltratá nèt na
momentu ku el a yega pa
asina entregá pedido den
Buena Vista.
Djaweps 29 mart 2018,
alrededor di 10.26’or di
mainta, Sentral di Polis
a haña notifikashon di
un kaso di ladronisia ku
violensia ku a tuma lugá
den área di Buena Vista.
Na yegada di e patruya
polisial nan a topa ku un
hòmber (víktima) ku tabata
ehersé su trabou i el a
deklará ku dos hòmber a
maltrat’é na momento ku e
mester a hasi un entrega di
merkansia na un toko.
For di un investigashon
preliminar ku polis a hasi
na e sitio a resultá ku dos
(2) hòmber bistí na pretu ku
arma di kandela a maltratá
e hòmber aki.
Despues di nan akto e
dos (2) sospechosonan a bai
ku e vehíkulo (vèn) di trabou
di e sospechoso.
Mas lat a lokalisá e vèn
den área di Julian.
Ku ambulans a
transportá e víktima pa
Poliklínika di SEHOS
pa tratamentu médiko.
Investigashon den e kaso ta
aki kontinuá.