Page 46 - MIN ON 13 OCT 2015
P. 46
Minister Hooyboer-Winklaar y Universidad
di Aruba ta firma acuerdo cu Osgoode Hall
Law School di York University
on: October 12, 2015In: LocalNo Comments
Print Email
Recientemente Minister Michelle Hooyboer-Winklaar hunto cu Universidad di Aruba a firma un
acuerdo cu e prestigioso Osgoode Hall Law School di York University na Canada. Cu e acuerdo
aki e dos institutonan di enseñansa superior ta formalisa e cooperacion entre nan facultad di ley
como tambe e intercambio di studiante y staf. Un aspecto interesante di e acuerdo ta e
posibilidad pa studiantenan di e Facultad di Ley di Universidad di Aruba pa haci un intercambio
di un semester na Osgoode Hall Law School na Canada. Esaki ta un oportunidad unico pa nos
studiantenan cu ta studia na Universidad di Aruba pa por haya e experencia internacional. Den
cuadro di maneho pa stimula internacionalisacion Universidad di Aruba ta expandiendo
continuamente e posibilidadnan pa nos studiantenan haci intercambio internacional. Den
transcurso di e ultimo añanan a logra firma diferente acuerdo cu universidadnan renombra na
diferente pais rond mundo. Mirando e hecho cu Universidad di Aruba a logra haya un charter y
financiamento di e programa Erasmus+ di Union Europeo e ta hacie posibel cu por facilita
studiantenan tambe den e gastonan di un intercambio internacional. Asina e experencia
internacional ta mas accesibel pa nos studiantenan na Aruba caminda cu studiantenan por
beneficia optimalmente di e oportunidadnan aki. Pa mas informacion riba tur e posibilidadnan cu
Universidad di Aruba tin actualmente pa intercambio internacional por bishita e website
http://www.ua.aw/international/ of por manda un e-mail na oia@ua.aw. Minister Hooyboer-
Winklaar ta aplaudi e iniciativanan aki y ta sostene e maneho pa stimula mas intercambio
internacional pa nos studiantenan. E titular di enseñansa ta convenci cu e experencia
internacional ta sumamente importante pa nos studiantenan pa asina nan por studia den un otro
contexto y amplia nan horizonte. Minister Hooyboer-Winklaar ta felicita Universidad di Aruba y
tur cu a haci e logro aki posibel.
