Page 41 - MIN ON 13 OCT 2015
P. 41
AWEMainta Diamars, 13 Oktober 2015 7
Ta trata aki di entre otro e
estado di South Carolina
y University of South
Carolina (USC), Florida
International University
(FIU) y otronan cu ta
den proceso pa wordo
formalisa. Manera a wordo
anuncia durante e ultimo
aña Minister Michelle
Hooyboer-Winklaar, na
nomber di Gobierno, a
logra formalisa diferente
acuerdo na Merca y Canada
cu ta garantisa areglonan
special na beneficio di nos
studiantenan di Aruba.
E areglonan aki ta ensera
e.o. “in-state tuition”, “out-
of-state tuition waver”
y tambe descuentonan
considerabel riba e suma
di gastonan di estudio pa
tur studiante Arubiano.
E areglonan aki ta un
beneficio hopi grandi
pa nos studiantenan y
ta haci Merca y Canada
opcionnan mas acesibel y
atractivo pa studiantenan
di Aruba.
Tur studiante cu ta interesa
pa bay studia na Merca
y/of na Canada ta keda
cordialmente invita pa e
anochi di informacion.
Durante di e anochi di
informacion lo duna tur e
informacion relevante cu
studiantenan tin mester
pa por bay studia na Merca
of Canada y tambe lo tin
espacio pa pregunta.
E anochi di informacion lo
tuma lugar diahuebs dia
15 di october cuminsando
pa 7:00or di atardi n’e
Auditorio di EPI.
