Page 25 - KPA

Diasabra 9 December 2017 Servicio
A24

Bon nochi Drumi dushi tin su ultimo actividad:
Contamento di storia di Pasco pa mucha na CEDEHM

ORANJESTAD – Awe tardi Fundacion Bon Nochi
Drumi Dushi lo tin su ultimo actividad pa mucha di-
lanti di oficina di CEDEHM. E evento ta cuminsa 4or
di atardi y lo termina pa 6or di atardi. Esaki segun e
relato cu nos a haya.

Durante e atardi aki lo tin presentacion di varios storia, unda
cu algun personahe conoci lo conta y dramatisa storia. En-
tre nan e conocido Richard Dabian, Caluda Poulina, Dientje
Hassel-Henriquez y Deanne de Mei.

Tur e personahenan aki ta figuranan cu ta custumbra di conta
storia y tin diferente tecnica pa entretene e muchanan.
Tambe lo tin actuacion di e conocido artista John Freddy
Montoya y e cantantenan Quincy Hasham y e rumannan Las
Gomez.

Fundacion Bon Nochi Drumi Dushi kier invita pueblo di
Aruba pa bin presencia contamento di storia riba e plenchi,
dilanti oficina di CEDEHM.

Invitacion pa

Rosario di Luz

ORANJESTAD – E grupo di oracion, esta ‘The
Voice of Jesus’, ta invita henter pueblo di Aruba pa
asisti awe (dia 9 december) na e Rosario di Luz na
Koyari 13-B. E evento ta cuminsa pa 8.00 pm. Lo
bay tin e Sto. Rosario cu e ceremonia di luz, Bijbel y
oracionnan y cantonan.
Vidente Valerie lo ta presente y lo bay resa pa pas na
Aruba y den henter mundo. Tambe nos ta resa pa
habri un Bon Aña 2018. Pa es motibo nos ta pidi pa
tur hende bin cu dos bela blanco den glas. Un bela ta
pone na e muraya di Misericordia y e otro bela ta pa
hiba boso cas pa habri e Aña Nobo cu ne cendi.
Pa e motibo aki un invitacion ta bay pa un y tur asisti
sin falta na e anochi special y hopi importante aki.

DOW: Caya Mazurka

y Harmonica cera

pa asfaltamento

ORANJESTAD - Departamento di Obra Publico
ta informa pueblo di Aruba en general, automobil-
istanan y specialmente e habitantenan cu ta biba den
e vecindario di Caya Mazurka y Harmonica/Bubali,
cu dialuna 11, y diamars 12 di december 2017 lo cera
e caminda pa pone asfalt.

Ruta alternativa lo ta indica cu baricadanan y borchi-
nan di aviso y e orario di ceramento lo ta di 7or di
mainta pa 4or di atardi riba tur dos dia.

En conexion cu e trabounan menciona Departa-
mento di Obra Publico ta pidi pa tene cuenta cu e
inconveniencia nan cu lo por surgi pa cual nos ta pidi
nos disculpa.