Page 20 - Awemainta

20 AWEMainta Dialuna, 09 November 2015

Prome Minister Mike
Eman ta brinda sosten
na Kapel di Madiki

CONSCIENTE di e importancia enorme cu lugarnan di congregacion

religioso ta representa pa un comunidad sano, Minister President Mike
Eman a bishita diahuebs mainta Kapel di Madiki den e Accion di Bario
cu a tene den e becindario.
Den un guia breve, e mandatario a haya splicacion di algun necesidad
cu e kapel tin pa por sigui realisa diferente sirbishi. A tuma nota di
trabou di coriente pa airco, mantencion den e cura y tambe algun
reparacion cu e edificio mester. Basa riba esaki, e mandatario ta di
opinion cu den cooperacion cu boluntarionan di su Ministerio y algun
departamento manera Serlimar y DOW, por brinda ayudo valioso.
Personal di Ministerio di Asuntonan General, bou direccion di
Premier Eman, a tuma e informacionnan necesario pa duna inicio n’e
esfuersonan. Prome Minister Mike Eman ta gradici hopi e bon bini
caluroso cu el a ricibi n’e kapel. Ta spera cu, si tur cos ta duna, pronto
lo por keda cla cu e mehoracionnan di e kapel y asina por continua cu
e labor bunita cu e kapel ta cumpli cune den e comunidad di Madiki.

FX Sports cu un bunita donacion pa
Mary Joan Foundation

DIADOMINGO ultimo Toyota a patrocina e caminata roos anual di Mary Joan

Foundation caminda FX Sports a pone un mountain bike na balor di AWG 1,600
disponibel. Esaki por a wordo gana si a logra di bisa e combinacion corecto di 4
numbernan cu ta habri e lock.
Durante di e dia grandi y chikito t’esnan cu a yega na Garage Cordia p’asina purba
nan suerte. Dos persona tabata hopi serca di e bon combinacion, pero na final di e
atardi ningun hende no a gan’e pero si a logra di sera un bunita suma pa fundacion.
MJF ta gradici sr. Wim Eelens cu e iniciativa y ful e team di FX Sports pa nan bon
cooperacion y bunita donacion.