Page 8 - Awemainta
P. 8
8 AWEMainta Dialuna, 09 November 2015
Accidente pisa na
cruzada di Superfood
DI mes e luznan di trafico no ta traha. Esaki debi na lam-
per cu a dal den e sistema, pa cual mester busca e pieza afo.
Asina mes, automobilistanan no ta paga tino y ta haya
nan den accidente pisa, manera esun di ayera mainta.
Tabata algo pasa di 9or diadomingo mainta, cu a manda
Polis cu urgencia n’e cruzada di Superfood caminda tin
un accidente basta pisa.
Na yegada di patruya policial a confirma mesora cu ta
un accidente basta serio entre un Kia Optima preto y
un Kia i10.
Polis a constata cu e Optima preto lo tabata biniendo
cu un velocidad halto for di noord bayendo zuid y di
ripente a hay’e cu un Kia i10 preto biniendo for di pa-
riba, cu no a paga tino cu tin auto biniendo for di noord.
Consecuencia tabata un impacto fuerte.
Despues di e impacto un di e autonan a bay dal tambe
den pal’i luz mey mey di e cruzada.
E dama chofer den e Kia i10 a haya algun rasca na curpa
y e otro dama di e Optima tabata basta spanta.
Dos ambulance a yega n’e sitio p’e paramediconan
duna e chofernan asistencia. Elmar su personal tambe
a wordo avisa.
