Page 7 - Awemainta

AWEMainta Dialuna, 09 November 2015 7

DIASABRA mainta a sosode un accidente basta se-

rio entre un bus di Arubus y un auto di famia. Esaki a
sosode net n’e cruzada pabao di N.V. Elmar.
Di acuerdo cu informacion cu tin, e auto di famia lo a
pasa den luz cora, bay dal net n’e momento cu un bus
di Arubus ta pasando.
E impacto aki a pone cu e bus a desvia y/of perde con-
trol y bay baha den e rooi.
Manera menciona, tin tur indicacion cu e e auto a pasa
den luz cora y e bus biniendo den Wilhelminastraat.
E chauffeur di Arubus no por a sigui controla e bus
y ta desvia bay man robez y dal un mata di kwihi pa
finalmente termina den rooi.

Danki Dios no tabatin herido grave, pero si hopi susto.
Polis a yega mesora y a pidi tambe pa manda ekipo di
rescate y dos ambulance. Tur a yega mesora n’e sitio.
Yudanza a wordo duna rapidamente. Daño material
riba e bus ta basta y e otro auto tambe.
E pasaheronan den e bus a wordo poni riba stoel p’asina
wordo atendi. E pasaheronan tabata basta emocional
y tabatin cu tabata yora mirando e susto cu nan a pasa
aden.

E area a wordo sera completamente mirando e cantidad
di hende cu a cuminsa yega serca pa haci cos di kaweta.
Personal di Bombero a subi bus pa atende cu e hende-
nan cu tabata herida den e bus pero tur tabata na tino.
E bus di Arubus cu a accidenta diasabra mainta lo por
wordo drecha. Ta un bus den hopi bon condicion y cu
a haya su mes den un accidente inespera.

Despues di investigacion e bus a wordo saca cu yudanza
di un takelwagen. E bus aki segun gerencia lo wordo
poni bek den servicio.
Si traha duro riba dje den algo mas cu un siman e por
cuminsa core bek. E bus tabata of pa core asina kibra.

E mas importante ta cu no tabatin victimanan serio den
e desgracia aki. Hopi cos a keda den un susto. E Direc-
tor, Teo Croes a splica tambe cu gran parti di esnan cu a
bira victima como pasahero a bay cas despues di wordo
atendi na Hospital. Esey caba ta un super bon noticia.
Mirando e desgracia cu a sosode cu un bus envolvi y
varios pasahero herida, e boluntarionan cu conoce-
mento a yega mesora n’e sitio pa duna un man tambe.

Asina a mira presencia di personal di ambulance, a mira
presencia di Bomberonan, pero a mira tambe presen-
cia di e compania di transporte priva pa pacientenan,
esta Lite Life. Nan tin dos unidad special pa transporte
paciente y ambos unidad a yega n’e sitio. Nan a saca
un man pa yuda carga e heridonan.

Dimes si tabata necesario nan ambulance tabata dis-
ponible mesora pa transporta un of otro herida pa
Hospital.
Den e caso aki e situacion tabata bou di control cu su-
ficiente boluntario cu conocimento pa duna un man.