Page 22 - AM231005

22 AWEMainta Diahuebs, 5 October 2023

Fortaleza pa Famia

Pone bo fe den e yiu di Dios

TEMPO ta trabahoso di berdad, cosnan cu nunca hende por a kere
ta sosodiendo, hopi a kere cu ciencia y tecnologia por a resolve e
asunto pero esey ta resulta cu no, pasobra locual Dios a bisa cu ta
bay sosode ningun hende por cambi’e.

Di berdad nos ta bibando manera den dianan di Noe, caminda maldad
ta aumenta tur dia, y e unico cos cu mente di hende ta pensa ta
maldad y maldad solamente (Genesis 6:5).

Wak rond mundo cuanto politico ta tuma nan retiro, pasobra nan no
por wanta e cayente di locual ta na caminda, y hopi ta retira for di politica completamente, y ta laba nan man, pasobra
locual tin riba mesa nan no por cumpli cune, pero tin tambe cu ta hopi activo den apoyo na maldad y rebeldia contra Dios.

Si un tempo nos a tende di e cosnan aki, awor nos ta mira nan sosode, y nos ta tende di plan cu hende tin contra hende,
con hende kier destrui famia, muchanan, matrimonio, plan pa reduci humanidad, yena mundo cu mentira pa asina maldad
por aumenta.

Pa loke ta boso, laga loke boso a tende for di principio, permanece den boso. Si loke boso a tende for di principio keda
den boso, boso tambe lo permanece den e Yiu y e den e Tata. Y esaki ta e promesa cu E mes a haci na nos, bida eterno (1
Juan 2;24-25).

Ningun hende no a mira Dios nunca, si nos stima otro, Dios ta permanece den nos, y Su amor ta wordo haci perfecto den
nos (1Juan 4:12).

Nos mester ta prepara pa e avalancha di maldad cu ya ta acercando, y pa mantene nos fe den e Yiu di Dios, pasobra nos
fe lo wordo purba di tur manera.
E sistema di mundo ta yena cu falsedad y mentira, cosnan cu ta pinta bon, pero nan tras tin maldad, malicia, inmoralidad,
y mas cu tur cos e desviacion for di e boluntad di Dios.

Esun cu tin e Yiu tin e bida: Esun cu no tin e Yiu di Dios, no tin e bida (1Juan 5:12).
Esun cu kere den e Yiu tin bida eterno, ma esun cu no obedece e Yiu lo no mira bida, ma e furia di Dios ta keda riba dje
(Juan 3;36).

Nos ta bisa esaki pasobra hopi lo bay tras di e agenda di mundo, y lubida cu Poder ta di Dios, hopi lo sigui palabra di hende
y locual hende ta inventa, gaña y troce e palabra di Dios. Ya caba tin hopi ta proclama cu e palabra di Dios ta anticua, y cu
mester haci cierto cambio. P’esey awor mas cu nunca nos Fe mester pertenece den e Yiu di Dios, pasobra solamente pa

medio di dj’E nos tin salbacion.

Pa esnan cu ta puro, tur cos ta puro, ma pa esnan cu ta contamina, y cu ta incredulo, nada no ta puro, ma ta bo nan mente
como nan consenshi ta contamina. Nan ta profesa cu na ta conoce Dios, ma cu nan hechonan na ta nenga Dios, pasobra

nan ta abominabel y desobedecido, y nan no ta sirbi por nada bon (Tito 1 :15-16).

Si un hende bini cerca boso y no ta trece e siñansa aki, no ricibie den boso cas, y no yame bonbini, pasobra esun cu ta
yame bonbini ta participa den su obra nan malo (2 Juan 10).

Ta hopi spiertamento tin di parti di nos Señor pasobra di berdad nos ta biba den tempo trabahoso (2 Timoteo 3:1-9).
Sinceramente, Pastor Marcel Balootje