Page 49 - MIN VOS 24 FEB 2016

Pagina 6 Diarazon 24 Februari 2016

Schimmel den edifcio di Hulpbestuurskantoor San Nicolas

Trahadornan ta birando malo

Solo di Pueblo ayera a bin
compronde cu trahadornan
di e hulpbestuurskantoor
a pone trabao abao pa
motibo cu nan tin hopi
molester di schimmel den
e oficinanan.

Varios di e trahadornan
cu a bay nan dokter a
haya como contesta cu
nan ta sufri di efectonan di
schimmelinfectie.
Otronan ta warda pa bay
pafor di Aruba pa haya
tratamento specializa pa
e schimmelinfectie. Ya pa
hopi tempo nan a pone
Prome Minister Mike Eman
na altura via di carta pero
no a haya ningun contesta
for di e minister.
Ora cu nan no a haya
reaccion di e minister, a
dicidi pa yama DBZ. Nan a
bisa e trahadornan cu nan
mester yama Hygienische
Dienst.
Na momento cu
trahadornan a yama
Hygienische Dienst, nan
a bisa cu por haci un test
of investigacion pero e
lo costa AWG 400,- y ta
trahadornan lo mester
paga esaki.

Esey tabata e druppel cu
a pone e hemchi bay over
pa e trahadornan. Nan a
dicidi cu nan no ta traha
mas bao e condicion cu e
edificio ta aden awor ya pa
basta tempo.
E trahadorna ta sinti cu ni
e minister, ni gobierno tin
nan bienestar na pecho
pasobra e situacion no ta
di ayera pero di hopi aña.

Hasta paloma a cuminsa

tuma poder di e edificio

na San Nicolas manera

e fotonan ta mustra.

E trahadornan a tuma

contacto cu Solo di

Pueblo pa asina pueblo

por comprende dicon e

oficina ta cera y no ta

dunado servicio na e

pueblo particularmente

na Nicolas.

E trahadornan finalmente

ta pidi comprension di

comunidad mirando

cu nan salud ta bini na

promer lugar.