Page 22 - AWEMAINTA

22 AWEMainta Dialuna, 25 Juni 2018

Grandi y chiquito a celebra Dera Gai na Club Kibrahacha

TA importante pa mantene e celebracion nan cul-

tural bibo na Aruba. P’esey tambe Club Kibraha-

cha a organisa e fiesta di San Juan den un mainta
cultural pa tur su miembronan, invitadonan di gru-

po nan di 60 plus di Aruba y tambe nos muchanan

di skol basico Montessori Nos Fortaleza.
Durante e mainta cultural aki tabata hopi bunita pa

experencia e fiesta di Dera Gai na unda nos grandi-
nan a haci bunita presentacion pa nos invitadonan

y tambe nos muchanan.

Tur hende por a disfruta di e bunita fiesta cultural

di San Juan na Club Kibrahacha.
Durante e mainta cultural di Dera Gai tabatin dife-

rente presentacion. E invitadonan por a presencia

show di baile di San Juan, Matamento di Gai y e
mihor grito di Cocoyoco.

P’e diferente presentacionnan tabatin premio p’e

ganadornan.

E ganadornan p’e baile di San Juan tabata e pareha

Petronilia Growell y Leon Vrolijk, dos miembronan
di Kibrahacha. Tambe Tristan Fuonia, un alumno

di Montessori Nos Fortaleza, a sali e Rey cu a sa di
mata e Gai.

Na final di e mainta Joaquin Vrolijk, miembro di

CMB Gold Club, a sa di dal e grito di Cocoyoco
mas orginal y asina a gana un premio pa su presen-

tacion.

Club Kibrahacha a gradici tur e gruponan di 60 plus

cu a acepta e invitacion pa bin celebra Fiesta di San
Juan hunto cu nos na Club Kibrahacha. Tambe ta

gradici e maestronan di Montessori Nos Fortaleza

pa join nos durante e celebracion cultural aki.
Alabez e staff di Club Kibrahacha ta gradici tur e

boluntarionan cu for di mainta trempan a bin yuda

nos cu preparacion y animacion di e fiesta di San
Juan.

Un danki special ta bay tambe pa Mario Luidens y
su grupo cu a entertene nos cu e ambiente musical.

Club Kibrahacha tey pa stimula nos cultura y pro-

move participacion di nos grandinan den nos co-
munidad.